Numeri 2:18 - AHYERƐLƐ KRONGRON

¹⁸ “Efraim yeɛ odi kyɛ ɔkyekye ye asikyeleɛ deɛ kure kure wɔ eyia atɔleɛ ɔ. Amihude awa Elisama yeɛ odi kyɛ otua Efraim boso ama nemɔ bɛ noa ɔ,

Numeri 2:18 Iomraidhean Croise

Gyenesise 48:5

Na afei wɔ mma mmienzua nyɔ nemɔ bɔ ɛwole bɛ wɔ Misraim koraka yeɛ meba wɔ wa wɔ Misraim nen, mekyire Efraim ɔne Manase, bɛte me deɛ; bɛkɔyɛ me mma kyɛbɔ Ruben ne Simeon bɛte ne ala.

Yeremia 31:9

Bele esuɛ ne ngotosrɛ yeɛ bɛkɔwa ɔ, na ngoli bɛ nyunu. Ngɔmaa bɛkɔnate bɛkɔhɔ asue noa, wɔ atee bɔ ɔtengyɛ bɔ bengosoti wɔ so ɔ so; ofikyɛ me yeɛ nde Yisrael ye baba ɔ, na Efraim yeɛ ɔte me bamuɛbaa ɔ.

Numeri 1:10

Na Yosef mma nemɔ: Efraim abusua kure ne, Amihude awa Elisama kogyina bɛ gya nu. Manase abusua kure ne, Pedasure awa Gamaliɛl kogyina bɛ gya nu.

Numeri 1:32

Yosef bosofoɛ ne, Efraim sasofoɛ bɔ bɛhale bɛ ngoko ngoko, kyɛbɔ b’aworɛ ndoatoasoɛ, bɛ mmusua mmusua ɔne bɛ nana mɔ sasofoɛ te ne, ɔne bɛ bɔ bali ofi afoɛ aburanyɔ bɔ ɔkɔ ɔ, bɔ bɛkora bɛkɔ koɛ ne, bɛ somaa ɛhe:

Numeri 10:22

Afei, Efraim asikyeleɛ ne anu ama bɛfale bɛ frangaa betuli bɛ bo kure kure, na Amihude awa Elisama yeɛ né otua Efraim ɛlɔen ne amukoraa bɛ noa ɔ.

Numeri 2:19

na ye lɔen bɔ baha bɛ ne, bɛ somaa te apee aburanna ɔne ɛyaa nnu.

Numeri 7:48

Kyẽa bɔ ɔtɔ so nzoo ne, Amihude awa Elisama bɔ otua Efraim abusua kure noa ne, ɔfale ye afɔleɛ deɛ wale.

Numeri 7:53

ɔne asomdwee afɔleɛ nwo nningyein hemɔ: nandwie nyɔ, mmoaen nyii nnu, mbɔngye nyii nnu, ɔne mmoaen nyii akrɔngrɔma nnu bɔ bali afoɛ ngoko ɔ. Amihude awa Elisama ye afɔleɛ deɛ ɛne.

Deuteronomi 33:17

Ɔte kyɛ nandwie nyii bamuɛbaa, ole animnyam, ye mmɛen te torɔen mmɛen, ɔfa mmɛen ne si maen maen mɔ toonn, maa bɛ mukoraati bekogua aseɛ noa dɔ. Mmɛen nemɔ ole Efraim mmenia apee buru ne, yeɛ Manase mmenia apee apee ne.”