Numeri 19:9 - AHYERƐLƐ KRONGRON

⁹ Na odi kyɛ sona bie bɔ ye nwo te ɔ sesa nandwie beleɛ nzoen ne, ná ɔ́fa kogua asikyeleɛ ne asi nekaa bɔ berɛ te sannwuu ɔ. Odi kyɛ bɛfa besie bɛma Yisrael maen ne, ná bafa bafra nzue bɔ bɛfa bɛte bɛ nwo ne. Bɛfa bɛte bɛ nwo befi bɔne nwo.

Numeri 19:9 Iomraidhean Croise

Lewitikɔso 15:20

Nikyee biala bɔ sɔ brasua ne kɔla so wɔ mmerɛ bɔ wabu ye sa ne, ɔkɔyɛ nikyee bɔ ye nwo nde ɔ; yeɛ nikyee biala bɔ ɔkɔtena so ne koso, ɔkɔyɛ nikyee bɔ ye nwo nde ɔ.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 19:17

Na ɔnate kyɛ sɔ sona ne ye nwo agua fiɛ ne ati, odi kyɛ bɛfa bɔne nwo afɔleɛ bɔ bayera ye ne ye nzoen ne bie, ná bɛfa asue nu nzue begua so wɔ kukue nu.

Numeri 19:18

Odi kyɛ sona bɔ ye nwo te ɔ fa sufiɛ bɔ nzue ne anu, ná ɔ́fa pete ɛtena sua ne anwo, ɔne nu nningyein amukoraa so, ɔne mmenia bɔ né bɛwɔ berɛ ne aso, ɔne ebiala bɔ ye nwo hane bowue ne anaa sona bɔ bahu ye ne, anaa fuin ne, anaa asieleɛ ne.

Numeri 19:3

Ɛ́mɔfa nandwie beleɛ ne bɛ́ma ɔsɔfo Eleasa. Odi kyɛ bɛfa nandwie ne bɛkɔ asikyeleɛ ne asi ná beku ye wɔ Eleasa nyunu.

Numeri 19:8

Sona bɔ ɔyera nandwie beleɛ ne, odi kyɛ ɔfa nzue ɔpo ye ndaadeɛ ná ɔfa nzue obia; ɔkɔyɛ sona bɔ ye nwo nde ɔ maa okoodwu nɔsoa.

Numeri 6:12

ná otu ye nwo sie berɛ ma AWURADE mmerɛ biala bɔ ɔtɛ te nasiriteniɛ ɔ. Odi kyɛ ɔfa boaen nyii akrɔngrɔma ko bɔ wali afoɛ ko ɔbabɔ foɛlilɛ afɔleɛ. Mmerɛ daa bɔ olili moa tuli ye nwo siele berɛ mane AWURADE ne de, wayera wagua, ofikyɛ efiɛ hane ye ti bɔ ɔyɛle ye krongron ne.

Numeri 8:7

Ɛhe yeɛ odi kyɛ ɛyɔ ná ɛfa te bɛ nwo ɔ: Fa nzue bɔ bɛfa bɛte bɛ nwo ne pete bɛ nwo. Maa bɛfa dɛmaa bɛpoa bɛ nwo nwiaa amukoraa ná bɛpo bɛ nwo nningyein, amaa ɔnate so bɛ nwo ate.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

Hebrifoɛ 9:13

Na sɛ nandwie nyii mogya ne mbɔngye mogya ne nandwie ba nzoen bɔ bɛfa bɛpete mmenia bɔ efiɛ aha bɛ nwo ne, ɔkora ma bɛ nwo te anwoɔnaen nu de a,