Numeri 19:8 - AHYERƐLƐ KRONGRON

⁸ Sona bɔ ɔyera nandwie beleɛ ne, odi kyɛ ɔfa nzue ɔpo ye ndaadeɛ ná ɔfa nzue obia; ɔkɔyɛ sona bɔ ye nwo nde ɔ maa okoodwu nɔsoa.

Numeri 19:8 Iomraidhean Croise

Lewitikɔso 11:25

na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 16:28

Sona bɔ ɔkɔyera bɛ ne, odi kyɛ ɔpo ye ndaadeɛ ná ɔ́fa nzue bia koraka né wahora wawa asikyeleɛ ne anu.

Lewitikɔso 17:15

Sona biala, kuromani oo, ɛwɔfoɛ oo, bɔ okoli naenmvuin anaa naen biala bɔ kaka aboyaa bie ahu ye atete ye ne, odi kyɛ ɔpo ye nwo nningyein, ná ɔ́fa nzue bia, na ye nwo kogua fiɛ maa okoodwu nɔsoa koraka né ye nwo ate.

Numeri 19:21

Ɛhe kɔyɛ daa ahyɛdeɛ kɔma bɛ. Sona bɔ ɔpete nzue fa te bɛ nwo ne, odi kyɛ ɔpo ye nwo nningyein, na sona biala bɔ ye nwo kɔha nzue bɔ bɛfa bɛpete bɛ nwo ne, ye nwo kogua fiɛ maa okoodwu nɔsoa.

Numeri 19:7

Na odi kyɛ ɔsɔfo ne ɔpo ye ndaadeɛ, ná ɔfa nzue obia, ná ye si ye wawa asikyeleɛ ne anu; nakoso ɔsɔfo ne nwo kogua fiɛ maa okoodwu nɔsoa.

Numeri 19:9

Na odi kyɛ sona bie bɔ ye nwo te ɔ sesa nandwie beleɛ nzoen ne, ná ɔ́fa kogua asikyeleɛ ne asi nekaa bɔ berɛ te sannwuu ɔ. Odi kyɛ bɛfa besie bɛma Yisrael maen ne, ná bafa bafra nzue bɔ bɛfa bɛte bɛ nwo ne. Bɛfa bɛte bɛ nwo befi bɔne nwo.