Numeri 19:21 - AHYERƐLƐ KRONGRON

²¹ Ɛhe kɔyɛ daa ahyɛdeɛ kɔma bɛ. Sona bɔ ɔpete nzue fa te bɛ nwo ne, odi kyɛ ɔpo ye nwo nningyein, na sona biala bɔ ye nwo kɔha nzue bɔ bɛfa bɛpete bɛ nwo ne, ye nwo kogua fiɛ maa okoodwu nɔsoa.

Numeri 19:21 Iomraidhean Croise

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Lewitikɔso 11:25

na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 11:40

Sona biala bɔ okoli ye naenmvuin ne bie ne, odi kyɛ ɔpo ye nwo nningyein, na ye nwo kogua fiɛ maa okodwu nɔsoa; sona bɔ ɔkɔsoa kaka fuin ne koso, odi kyɛ ɔpo ye nwo nningyein na ye nwo kogua fiɛ maa okoodwu nɔsoa.

Numeri 18:23

Nakoso odi kyɛ Lewifoɛ yeɛ bɛyɔ ɛtena sua atenaleɛ nu berɛ adwuma ne ɔ, na bɛ bɔbɔ bɛ mvomsoɛ nwo musue kɔbɔ bɛ ti so. Ɔkɔyɛ daa ahyɛdeɛ wɔ ɛmɔ aworɛ ndoatoasoɛ mukoraati nu. Nakoso bengonya agyapadeɛ biala wɔ Yisraelfoɛ nu,

Numeri 19:10

Sona bɔ ɔkɔsesa nandwie beleɛ nzoen ne, odi kyɛ ɔpo ye nningyein, na ye nwo kogua fiɛ maa okoodwu nɔsoa. Ɛhe kɔyɛ ahyɛdeɛ afebɔɔ kɔla berɛ kɔma Yisraelfoɛ ne ɛwɔfoɛ bɔ waatena bɛ nu ɔ.

Numeri 19:7

Na odi kyɛ ɔsɔfo ne ɔpo ye ndaadeɛ, ná ɔfa nzue obia, ná ye si ye wawa asikyeleɛ ne anu; nakoso ɔsɔfo ne nwo kogua fiɛ maa okoodwu nɔsoa.

Numeri 19:8

Sona bɔ ɔyera nandwie beleɛ ne, odi kyɛ ɔfa nzue ɔpo ye ndaadeɛ ná ɔfa nzue obia; ɔkɔyɛ sona bɔ ye nwo nde ɔ maa okoodwu nɔsoa.

Hebrifoɛ 10:4

ofikyɛ nandwie nyii mogya ne mbɔngye mogya ngora ngyikyi bɔne.

Hebrifoɛ 7:19

ofikyɛ mmeraa ne amma nikyee biala anni mu. Nakoso atee foforɛ so de, anyelasoɛ bɔ ɔte paa tra daa deɛ ne wɔ berɛ, bɔ yɛfa so yɛpingye Nyameɛ ɔ.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.