Numeri 19:2 - AHYERƐLƐ KRONGRON

² “Mmeraa bɔ AWURADE ahyɛ ne, ye nwo ahyɛdeɛ ɛhe: Ka kyire Yisraelfoɛ kyɛ bɛ́fa nandwie beleɛ kɔkorɛ bɔ ollili nnɛen, bɔ ngekalewa biala ɔnne ye nwo, bɔ bɛffale kɔnnua biala bɛttole ye kɔme le ɔ bɛ́brɛ wɔ.

Numeri 19:2 Iomraidhean Croise

Ɛksadɔso 12:5

Ɔsɛ kyɛ boaen akrɔngrɔma ne yɛ nyii bɔ wali afoɛ ko, bɔ ollili nnɛen ɔ. Ɔsɛ kyɛ ɛmɔsa nu bɛye bɛ befi mmoaen anaa mbɔngye nemɔ anu.

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Awuye 1:14

“Wafa ye sa wakyekye me mmeraatolɛ ne maa wakakyi kɔnnua. Basina baya me kɔme anu, wama m’anwoserɛ ayie. Bɛ bɔ mengora bɛ nyunu gyina ne, AWURADE afa me wawura bɛ sa.

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 14:6

Anomaa ko bɔ ɔtɛte ngoa nu ne, odi kyɛ ɔfa ye boka bakaa bɔ bɛfrɛ ye sida ne, adaabene ne, ɔne sufiɛ ne aso. Na anomaa bɔ bɛfale ye besinzele mbombonzue nu nzue so behuni ye ne, ye mogya ne, odi kyɛ ɔfa bɛ ne anomaa bɔ ɔte ngoa nu ne owura nu.

Numeri 19:1

AWURADE sele Mose ne Aarɔn kyɛ,

Numeri 19:6

Odi kyɛ ɔsɔfo ne fa bakaa bɔ bɛfrɛ ye sida, sufiɛ ne adaabene, ná ógyi bɛ gua see bɔ bɛyera nandwie beleɛ ne wɔ nu ne anu.

Numeri 31:21

Ɔsɔfo Eleasa sele koɛhonɛfoɛ bɔ bɛhɔle koɛ ne kyɛ, “Mmeraa bɔ AWURADE ahyɛ ama Mose ne, ye nwo ahyɛdeɛ ɛhe:

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Deuteronomi 21:3

Na kuro bɔ opingye efuin ne paa ne, ɔsɛ kyɛ nu mbanyi fa nandwie beleɛ akrɔngrɔma bɔ bɛffale ye bɛyyɔle adwuma le, bɔ bɛffale kɔnnua bɛttole ye kɔme le ɔ;

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

1 Petro 2:22

Ye de, wanyɔ bɔne, biala, yeɛ ngondombo dwirɛ biala amvi ye noa.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

1 Samuel 6:7

Yiti ɛ́mɔyɔ teaseɛnam monɛ kamee ko, ná ɛmɔfa nandwie mmeleɛ nyɔ bɔ bɛma bɛ mma nyɔfone, bɔ bɛffale kɔnnua bɛttole bɛ kɔme le ɔ. Ɛ́mɔfa bakaa bɛ́sosɔ nandwie nemɔ bɛ́bɔ teaseɛnam ne, nakoso bɛ mma nemɔ de, ɛ́mɔte bɛ béfi bɛ ni mɔ anwo bɛɛfa bɛ begua tuin nu.