Numeri 19:19 - AHYERƐLƐ KRONGRON

¹⁹ Ye ɛlɛsa ne aso, ɔne ɛlɛsoo ne aso, odi kyɛ sona bɔ ye nwo te ne fa nzue ne bie pete bɛ bɔ bɛ nwo agua fiɛ nemɔ aso, ná ɔnate so ɔte bɛ nwo ɛlɛsoo ne aso. Afei odi kyɛ bɛpo bɛ ndaadeɛ ná bɛfa nzue bebia, na ye nɔsoa ne bɛ nwo kɔte.

Numeri 19:19 Iomraidhean Croise

Gyenesise 2:2

Kyẽa bɔ ɔtɔ so nzoo nen, né Nyameɛ ayie ye adwuma bɔ ɔyɔle ne yɔ; na kyẽa bɔ ɔtɔ so nzoo ne, olili afofi wɔ ye adwuma bɔ ɔyɔle amukoraa nwo.

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Lewitikɔso 14:7

Na sona bɔ bɛ́te ye nwo béfi kwata anwonyerɛ nwo ne, odi kyɛ ɔsɔfo ne ɔfa mogya ne pete ye nwo pɛen nzoo. Afei odi kyɛ ɔfa to dwaa kyɛ sona ne nwo ate, ná ɔyakyi anomaa bɔ ɔte ngoa nu ne maa ɔkɔ buro.

Lewitikɔso 14:9

Na ye ɛlɛsoo ne aso, odi kyɛ ɔpoa ye nwo nwiaa amukoraa: ye ti nwiaa, ye kanza ne ye ndo nwiaa; ɔ́poa ye nwo nwiaa amukoraa. Ɔsɛ kyɛ ɔpo ye nwo nningyein, ná ɔ́fa nzue bia, na ye nwo kɔte.

Numeri 19:12

Ye ɛlɛsa ne aso, ɔne ɛlɛsoo ne aso, odi kyɛ ɔfa sɔ nzue ne bie pete ye nwo ma ye nwo te. Nakoso sɛ wambete ye nwo ɛlɛsa ne aso ɔne ɛlɛsoo ne aso a, ye nwo ngɔte.

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 19:18

Odi kyɛ sona bɔ ye nwo te ɔ fa sufiɛ bɔ nzue ne anu, ná ɔ́fa pete ɛtena sua ne anwo, ɔne nu nningyein amukoraa so, ɔne mmenia bɔ né bɛwɔ berɛ ne aso, ɔne ebiala bɔ ye nwo hane bowue ne anaa sona bɔ bahu ye ne, anaa fuin ne, anaa asieleɛ ne.

Numeri 31:19

Ɛ́mɔtena asikyeleɛ ne asi dɔ ɛlɛsoo. Ɛmɔ bɔ ɛmɔahu sona anaakyɛ ɛmɔ nu biala bɔ ye nwo aha fuin ne, odi kyɛ ɛmɔpete ɛmɔ nwo ɔne mmenia bɔ ɛmɔahye bɛ nnure nemɔ anwo ye ɛlɛsa ne aso ɔne ɛlɛsoo ne aso.

Numeri 31:24

Ye ɛlɛsoo ne aso, odi kyɛ ɛmɔpo ɛmɔ nwo nningyein, amaa ɛmɔ nwo afi. Ye si ye, ɛmɔkora bɛba asikyeleɛ ne anu.”

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

Yuda 1:23

ebiemɔ koso, ɛ́mɔhwe bɛ béfi see nu bele bɛ ngoa; ebiemɔ koso, ɛ́mɔfa anwowosolɛ benwu bɛ anwumvoin, nakoso ɛmɔhyi ndaadeɛ po bɔ bɛ nwonaen ayɛ ngekalewa wɔ nu ne.