Numeri 19:17 - AHYERƐLƐ KRONGRON

¹⁷ Na ɔnate kyɛ sɔ sona ne ye nwo agua fiɛ ne ati, odi kyɛ bɛfa bɔne nwo afɔleɛ bɔ bayera ye ne ye nzoen ne bie, ná bɛfa asue nu nzue begua so wɔ kukue nu.

Numeri 19:17 Iomraidhean Croise

Gyenesise 26:19

Nakoso Yisake ngoaa nemɔ tuli bɔnza ne anu abura na benwuni asue ti bɔ opu ba wɔ berɛ nen,

Edwein Nu Dwein 4:15

Ɛte turo nu abura, mbombonzue ne asue mmaa mmaa bɔ bɛtengyɛ befi Lebanon so ɔ.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Numeri 19:18

Odi kyɛ sona bɔ ye nwo te ɔ fa sufiɛ bɔ nzue ne anu, ná ɔ́fa pete ɛtena sua ne anwo, ɔne nu nningyein amukoraa so, ɔne mmenia bɔ né bɛwɔ berɛ ne aso, ɔne ebiala bɔ ye nwo hane bowue ne anaa sona bɔ bahu ye ne, anaa fuin ne, anaa asieleɛ ne.

Numeri 19:9

Na odi kyɛ sona bie bɔ ye nwo te ɔ sesa nandwie beleɛ nzoen ne, ná ɔ́fa kogua asikyeleɛ ne asi nekaa bɔ berɛ te sannwuu ɔ. Odi kyɛ bɛfa besie bɛma Yisrael maen ne, ná bafa bafra nzue bɔ bɛfa bɛte bɛ nwo ne. Bɛfa bɛte bɛ nwo befi bɔne nwo.

Numeri 31:23

yeɛ nikyee biala bɔ bɛfa see bɛka ye a onhuro ne, ɛ́mɔfa see bɛ́te ye nwo, na ye nwo kofi. Nakoso odi kyɛ ɛmɔfa anwotelɛ nzue koso bɛte ye nwo. Na nikyee biala bɔ bɛfa see bɛka ye a ohuro ne, odi kyɛ ɛmɔfa bewura nzue ne anu.

Yohane 7:38

Na kyɛbɔ Ahyerɛlɛ ne ahã ne, ebiala bɔ ode me di ne, ‘Ngoa asue mɔ kɔtengyɛ kofi ye kunu.’ ”

Hebrifoɛ 9:13

Na sɛ nandwie nyii mogya ne mbɔngye mogya ne nandwie ba nzoen bɔ bɛfa bɛpete mmenia bɔ efiɛ aha bɛ nwo ne, ɔkora ma bɛ nwo te anwoɔnaen nu de a,

Nyekyire 7:17

Ofikyɛ Boaen Ba bɔ ɔwɔ ahennie bia n’afia berɛ ne, ɔkɔyɛ bɛ Neafoɛ, ɔkɔyɛ bɛ taataa kɔhɔ ngoa asue mɔ ti, na Nyameɛ kokyikyi bɛ nye abo moen amukoraa.”