Numeri 19:13 - AHYERƐLƐ KRONGRON

¹³ Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 19:13 Iomraidhean Croise

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Hesekiel 44:26

Na sɛ ɔpete ye nwo yie a, odi kyɛ bɛma ɛlɛsoo pɛ nu,

Lewitikɔso 15:31

“Sɔa yeɛ odi kyɛ ɛmɔyɔ bɛfa bɛte Yisraelfoɛ nwo befi nningyein bɔ ogua bɛ nwo fiɛ nwo ɔ, amaa bamva efiɛ banga me ɛtena sua ne, ná ɔnate bɛ nwo bɔ wagua fiɛ ne ati banwuwu.”

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 22:3

Se bɛ kyɛ, ‘Akyɛdeɛ krongron bɔ Yisraelfoɛ betu besie berɛ bɛma AWURADE ne, wɔ ɛmɔ aworɛ ndoatoasoɛ nu, sɛ ɛmɔ boso ama biala ba ye nwo wɔ mmerɛ bɔ sɔ sona ne nwo nde a, onni kyɛ bɛma ye ate maa ɔba me nyunu ko: Me ole AWURADE.

Lewitikɔso 22:4

Aarɔn bosoniɛ biala bɔ ɔte kwataniɛ, anaakyɛ ye bienzua afiti ne, mmɛɛmaa odi sɔ akyɛdeɛ krongron ne bie kɔpem kyɛ ye nwo kofi ɔ. Sɛ bɛ nu bie nwo ka ɛhemɔ anu biala a, ye nwo kogua fiɛ: nikyee biala bɔ ye nwo kɔha fuin ma ye nwo kogua fiɛ ɔ, bienzua bɔ ye nwo nzue kɔwa ɔ,

Lewitikɔso 5:17

“Sɛ ebie yɔ bɔne, kyɛ ɔyɔ nningyein bɔ Nyameɛ abra kyɛ nnɛmaa bɛyɔ ne anu biala nwo a, sɛ ɔnze po a, odi ye nwo fɔ, na ye musue kɔbɔ ye ti so.

Lewitikɔso 5:3

Anaa sɛ ye nwo ka nikyee fiɛ biala bɔ ofi kuro sona nu a: nikyee biala bɔ ogua kuro sona nwo fiɛ, ná sɛ ɔnze po a, sɛ onya nwu ye a, okoli fɔ.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Lewitikɔso 7:20

nakoso ebiala bɔ ye nwo nde ná okoli AWURADE asomdwee afɔleɛ naen ne bie nen, sɔ sona ne, odi kyɛ bɛpɛ ye asue befi maen ne anu.

Lewitikɔso 7:21

Na sɛ ebiala nwo ka nikyee bɔ ye nwo nde: sɛ nikyee fiɛ bɔ ofi sona nu oo, anaa kaka bɔ ye nwo nde oo, anaa abɔdeɛ biala bɔ ye nwo nde oo, na sɛ odi AWURADE asomdwee afɔleɛ naen ne bie a, odi kyɛ bɛpɛ sɔ sona ne asue befi maen ne anu.”

Numeri 15:30

Nakoso ebiala bɔ ye nye la ye nwo ná ɔkɔyɔ bɔne ne, kyɛ ɔte maen baa oo, anaa ɛwɔfoɛ oo, wabu AWURADE animtia, na odi kyɛ bɛpɛ ye asue befi ye mmenia nu.

Numeri 19:14

Sɛ sona wu wɔ ɛtena sua nu a, ye wo mmeraa ɛhe: ebiala bɔ ɔkɔhɔ sɔ ɛtena sua ne anu, ɔne ebiala bɔ ɔwɔ sɔ ɛtena sua ne anu ne, ye nwo kogua fiɛ ɛlɛsoo.

Numeri 19:18

Odi kyɛ sona bɔ ye nwo te ɔ fa sufiɛ bɔ nzue ne anu, ná ɔ́fa pete ɛtena sua ne anwo, ɔne nu nningyein amukoraa so, ɔne mmenia bɔ né bɛwɔ berɛ ne aso, ɔne ebiala bɔ ye nwo hane bowue ne anaa sona bɔ bahu ye ne, anaa fuin ne, anaa asieleɛ ne.

Numeri 19:19

Ye ɛlɛsa ne aso, ɔne ɛlɛsoo ne aso, odi kyɛ sona bɔ ye nwo te ne fa nzue ne bie pete bɛ bɔ bɛ nwo agua fiɛ nemɔ aso, ná ɔnate so ɔte bɛ nwo ɛlɛsoo ne aso. Afei odi kyɛ bɛpo bɛ ndaadeɛ ná bɛfa nzue bebia, na ye nɔsoa ne bɛ nwo kɔte.

Numeri 19:20

Sona biala bɔ ye nwo agua fiɛ, nakoso bande ye nwo ne, sɔ sona ne odi kyɛ bɛpɛ ye asue befi mmenia ne anu, ofikyɛ wagua AWURADE nekaa krongron ne anwo fiɛ. Ɔnate kyɛ banhwie nzue krongron ne bangua ye nwo ne ati, ye nwo nde.

Numeri 19:9

Na odi kyɛ sona bie bɔ ye nwo te ɔ sesa nandwie beleɛ nzoen ne, ná ɔ́fa kogua asikyeleɛ ne asi nekaa bɔ berɛ te sannwuu ɔ. Odi kyɛ bɛfa besie bɛma Yisrael maen ne, ná bafa bafra nzue bɔ bɛfa bɛte bɛ nwo ne. Bɛfa bɛte bɛ nwo befi bɔne nwo.

Numeri 8:7

Ɛhe yeɛ odi kyɛ ɛyɔ ná ɛfa te bɛ nwo ɔ: Fa nzue bɔ bɛfa bɛte bɛ nwo ne pete bɛ nwo. Maa bɛfa dɛmaa bɛpoa bɛ nwo nwiaa amukoraa ná bɛpo bɛ nwo nningyein, amaa ɔnate so bɛ nwo ate.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:11

Bɔ ɔndengyɛ ne, ɔhɔ so yɛ sona bɔ ɔndengyɛ ɔ; yeɛ bɔ ye nwo nde ne, ɔhɔ so yɛ sona bɔ ye nwo nde ɔ. Bɔ ɔtengyɛ ne, ɔhɔ so yɛ sona bɔ ɔtengyɛ ɔ, yeɛ bɔ ɔte krongron ne, ɔhɔ so yɛ sona bɔ ɔte krongron ɔ.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.