Numeri 19:10 - AHYERƐLƐ KRONGRON

¹⁰ Sona bɔ ɔkɔsesa nandwie beleɛ nzoen ne, odi kyɛ ɔpo ye nningyein, na ye nwo kogua fiɛ maa okoodwu nɔsoa. Ɛhe kɔyɛ ahyɛdeɛ afebɔɔ kɔla berɛ kɔma Yisraelfoɛ ne ɛwɔfoɛ bɔ waatena bɛ nu ɔ.

Numeri 19:10 Iomraidhean Croise

Ɛksadɔso 12:49

Mmeraa komapɛ bɔ ɔwɔ berɛ ma maen mmaa ne, ye ala yeɛ ɔwɔ berɛ ma ɛwɔfoɛ bɔ ɔne ɛmɔ baatena ɔ.”

Lewitikɔso 11:25

na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 14:46

Mmerɛ bɔ bato awuro ne anu ne, ebiala bɔ ɔkɔhɔ nu ne, ye nwo kogua fiɛ maa okoodwu nɔsoa.

Lewitikɔso 16:28

Sona bɔ ɔkɔyera bɛ ne, odi kyɛ ɔpo ye ndaadeɛ ná ɔ́fa nzue bia koraka né wahora wawa asikyeleɛ ne anu.

Numeri 19:19

Ye ɛlɛsa ne aso, ɔne ɛlɛsoo ne aso, odi kyɛ sona bɔ ye nwo te ne fa nzue ne bie pete bɛ bɔ bɛ nwo agua fiɛ nemɔ aso, ná ɔnate so ɔte bɛ nwo ɛlɛsoo ne aso. Afei odi kyɛ bɛpo bɛ ndaadeɛ ná bɛfa nzue bebia, na ye nɔsoa ne bɛ nwo kɔte.

Numeri 19:21

Ɛhe kɔyɛ daa ahyɛdeɛ kɔma bɛ. Sona bɔ ɔpete nzue fa te bɛ nwo ne, odi kyɛ ɔpo ye nwo nningyein, na sona biala bɔ ye nwo kɔha nzue bɔ bɛfa bɛpete bɛ nwo ne, ye nwo kogua fiɛ maa okoodwu nɔsoa.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.