Numeri 18:8 - AHYERƐLƐ KRONGRON

⁸ AWURADE sele Aarɔn kyɛ, “Afɔleɛ bɔ bɛfa bɛbrɛ me ne, bɔ ɔte Yisraelfoɛ akyɛdeɛ krongron amukoraa ne, mafa mawura wɔ sa. Mafa mama wɔ ne wɔ mma kyɛ ɔsɔfo kyɛfa bɔ ɔte ɛmɔ deɛ afebɔɔ ɔ.

Numeri 18:8 Iomraidhean Croise

2 Ahemvo 12:16

Foɛlilɛ afɔleɛ, ɔne bɔne nwo afɔleɛ esikaa ne de, bamva bangɔ AWURADE awuro berɛ bie; né ɔte asɔfo nemɔ deɛ.

2 Aberɛso Dwirɛ 31:4

Ɔfale ahyɛdeɛ mane bɛ bɔ bɛte Yerusalem ne kyɛ nningyein bɔ odi kyɛ bɛfa bɛma asɔfo mɔ ne Lewifoɛ mɔ ne, bɛ́fa bɛ́ma bɛ, amaa ɔnate so asɔfo nemɔ ne Lewifoɛ nemɔ bahora batu bɛ nwo basie berɛ bama AWURADE mmeraa ne.

2 Aberɛso Dwirɛ 31:5

Yisraelfoɛ tele sɔ dwirɛ ne pɛ, bɛfale sɔ nningyein hemɔ pee bɛwale: b’aburoo bɔ bali moa babu ɔ, nzaa, ngoo, woɛ, fieso nningyein amukoraati, na afei bɛfale nikyee biala nu buru nu ngyɛmuɛ ko pee bɛwale.

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Ɛksadɔso 29:21

Afei fa afɔleɛ bokyea ne aso mogya ne bie, ɔne ɛpopalɛ ngoo ne, ná fa pete Aarɔn nwo ne ye ndaadeɛ nu, ɔne ye mma nemɔ nwo ne bɛ ndaadeɛ nu. Na ɛhe kɔma Aarɔn ne ye ndaadeɛ kɔyɛ krongron, ná ye mma mɔ ne bɛ ndaadeɛ koso ayɛ krongron.

Ɛksadɔso 29:28

Na sɔ nhyehyɛleɛ ne kɔla berɛ afebɔɔ kɔma Aarɔn ne ye mma mmienzua mɔ, kyɛ bekonya sɔ kyɛfa ne bekofi Yisraelfoɛ berɛ ɔ; ofikyɛ ɔte afɔleɛ bɔ Yisraelfoɛ bɛkɔye bekofi b’asomdwee afɔleɛ ne anu bɛkɔbɔ kɔma AWURADE ɔ.

Ɛksadɔso 29:29

“Aarɔn ndaadeɛ krongron ne kɔyɛ ye bosofoɛ deɛ, na bɛkɔfa kowura maa bɛkɔfa ɛpopalɛ ngoo ne bekogua bɛ ti so, ná bahyɛ bɛ sɔfo.

Ɛksadɔso 40:13

Afei fa ndaadeɛ krongron nemɔ wura Aarɔn, ná fa ɛpopalɛ ngoo ne gua ye ti so, ná te ye nwo ma oli sɔfo so me.

Ɛksadɔso 40:15

ná fa ɛpopalɛ ngoo gua bɛ ti so, kyɛbɔ ɛfale ɛpopalɛ ngoo guale bɛ baba ti so ne ala, ná beli sɔfo bɛso me. Na ɛpopalɛ ngoo bɔ ɛkɔfa kogua bɛ ti so ne, ɔkɔma bɛ ne b’aworɛ ndoatoasoɛ mukoraa bekoli sɔfo afebɔɔ.”

Yesaya 10:27

Na ɔkɔwa kyɛ, sɔ mmerɛ ne, ye adesoa bɔ ɔfa tole wɔ kɔme anwo ne ɔkɔye kofi berɛ, na ye kɔnnua ne anu kobubu kɔye kofi wɔ kɔme. Na ɔnate nomenome bɔ ɛkɔyɛ ne ati, kɔnnua ne anu kobubu.”

Lewitikɔso 21:10

“Ɔsɔfo panyi paa, bɔ ye yeɛ bahwie ɛpopalɛ ngoo bagua ye ti so, ná bate ye nwo kyɛ ówura asɔfo ndaadeɛ ne, onni kyɛ ɔma ye ti nwiaa gua so basaa, yeɛ nnɛmaa osunzua ye ndaadeɛ nu.

Lewitikɔso 23:20

Ngaka nemɔ, ɔne paanoo bɔ bafa aleɛ bɔ bali moa bate yeɛ bato ne, odi kyɛ ɔsɔfo ne pagya bɛ fa bɔ ɛnwahanɛ afɔleɛ wɔ AWURADE nyunu, mmoaen nyɔ ne boka so. Bɛte krongron ma AWURADE, na bɛkɔyɛ ɔsɔfo ne deɛ.

Lewitikɔso 6:16

Na ye ngaa ne, Aarɔn ne ye mma mɔ beli; odi kyɛ bedi ye kabrɛdi wɔ nekaa bɔ ɔte krongron ɔ; beli ye wɔ ɛtena sua atenaleɛ ne aluo.

Lewitikɔso 6:18

Aarɔn bosoniɛ baa bienzua biala, oli AWURADE afɔleɛ bɔ bɛbɔ ye see so bɛma AWURADE ne bie, kyɛbɔ bahyehyɛ bato berɛ daa wɔ ɛmɔ aworɛ ndoatoasoɛ amukoraati nu ne; sona anaa nikyee biala bɔ ɔkɔfa ye nwo kɔha sɔ afɔleɛ nemɔ ne, ɔkɔyɛ krongron.

Lewitikɔso 6:20

“Kyẽa bɔ bɛkɔpopa Aarɔn ngoo ne, afɔleɛ bɔ ɔne ye mma mmienzua mɔ ɔsɛ kyɛ bɛbɔ bɛma AWURADE ɛhe: daa biala aburoo afɔleɛ bɔ ɔte esam paa olonka ko; odi kyɛ bɛfa ye bue ngyerɛmɔ yeɛ ye bue nɔsoa.

Lewitikɔso 6:26

Ɔsɔfo bɔ ɔkɔbɔ bɔne nwo afɔleɛ ne yeɛ ɔsɛ kyɛ odi ɔ; óli ye wɔ nekaa bɔ ɔte krongron ɔ, wɔ ɛtena sua atenaleɛ aluo berɛ.

Lewitikɔso 7:14

Odi kyɛ ɛye paanoo ko fi afɔleɛ ne biala nu maa ɔyɛ akyɛdeɛ bɔ ɛfa brɛ AWURADE ɔ; ɔsɔfo bɔ ohwie asomdwee afɔleɛ mogya ne gua ne, ɔte ye deɛ.

Lewitikɔso 7:28

Na AWURADE sele Mose kyɛ,

Lewitikɔso 7:6

Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.

Lewitikɔso 8:30

Mose fale ɛpopalɛ ngoo ne bie, ɔne mogya bɔ ɔwɔ afɔleɛ bokyea ne aso ne bie, na ɔfa petene Aarɔn ne ye mma mmienzua nemɔ anwo ɔne bɛ ndaadeɛ nu. Yiti ɔtele Aarɔn ne ye ndaadeɛ nwo, yeɛ afei ɔtele ye mma mmienzua nemɔ ne bɛ ndaadeɛ nwo.

Numeri 18:9

Afɔleɛ krongron paa bɔ banyera bɛ wɔ see nu ne, ɛhe yeɛ ɔkɔyɛ wɔ kyɛfa ɔ: b’akyɛdeɛ biala bɔ bɛkɔfa bɛkɔbrɛ me kyɛ nikyee krongron paa ne, kyɛ ɔte aburoo afɔleɛ oo, bɔne nwo afɔleɛ oo, anaa foɛlilɛ afɔleɛ oo, ɔkɔyɛ wɔ ne wɔ mma mɔ deɛ.

Numeri 5:9

Yisraelfoɛ akyɛdeɛ krongron ne amukoraa, nu biala bɔ bɛkɔfa bɛkɔbrɛ ɔsɔfo ne, ɔkɔyɛ ye deɛ.

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Deuteronomi 12:6

Berɛ yeɛ ɔsɛ kyɛ ɛmɔfa ɛhemɔ bɛkɔ ɔ: ɛmɔ naen yeralɛ afɔleɛ, ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɛmɔ aboadeɛ afɔleɛ, ɛmɔ akyɛdeɛ afɔleɛ, ɔne ɛmɔ nandwie ne mmoaen bamuɛbaa mɔ.

Deuteronomi 18:1

“Lewifoɛ bɔ bɛte asɔfo ne, mekyire Lewi abusua kure ne amukoraa, ɔnzɛ kyɛ benya kyɛfa anaa agyapadeɛ biala wɔ Yisrael. See so afɔleɛ bɔ mmenia kɔbɔ kɔma AWURADE, ɔne nningyein bɔ bɛkɔfa kɔma ye ne yeɛ bekoli ɔ.

Deuteronomi 26:13

ye de, ka ye wɔ AWURADE wɔ Nyameɛ nyunu kyɛ, ‘Ngyɛmuɛ bɔ ɔte krongron ne, maye mafi m’awuro, na mafa mama Lewifoɛ, ɛwɔfoɛ, awisiafoɛ ne akunafoɛ, kyɛbɔ wɔ mmeraa dwirɛ mukoraati bɔ ahyɛ ama me ne te ɔ. Mammu wɔ mmeraa dwirɛ ne anu biala so, yeɛ me wora amvi bɛ nu biala koso.

Hebrifoɛ 1:9

Ekuro tenenee, na ekyi amumuyɛɛ. Ɛhe ati Nyameɛ, wɔ Nyameɛ aye wɔ; wafa anika ngoo wapopa wɔ maa wabo wɔ mmango mɔ deɛ so.”

1 Yohane 2:20

Nakoso ɛmɔ de, Krongronniɛ ne wapopa ɛmɔ ngoo, yiti ɛmɔse nikyee biala.

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.