Numeri 18:4 - AHYERƐLƐ KRONGRON

⁴ Odi kyɛ bɛboka wɔ so bɛyɔ ɛtena sua atenaleɛ ne anu adwuma, ná bɛ́yɔ adwuma biala bɔ ɔfa ɛtena sua ne anwo ɔ. Nnɛmaa ebiala bɔ nna Lewiniɛ ahɔ ɔ opingye ɛmɔ.

Numeri 18:4 Iomraidhean Croise

Hesekiel 44:14

Nakoso ngɔfa awuro ne anu adwuma ne ngowura bɛ sa, nu ɛsolɛ biala ne adwuma biala bɔ odi kyɛ bɛyɔ ye wɔ nu ɔ.

Numeri 1:51

Sɛ mmerɛ dwu kyɛ ɛmɔtutu nyianu sua ne bɛkɔ a, odi kyɛ Lewifoɛ nemɔ yeɛ betutu ɔ. Na odwu ye silɛ so a, odi kyɛ Lewifoɛ mɔ besa bɛnea bɛhyehyɛ. Na sɛ ebiala bɔ nna Lewiniɛ ahɔ ɔ opingye ɛtena sua ne a, odi kyɛ beku ye.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 18:3

Odi kyɛ bɛso wɔ ná bɛyɔ ɛtena sua ne anu adwuma amukoraa. Nakoso onni kyɛ bepingye nekaa krongron berɛ nningyein nemɔ, anaakyɛ afɔleɛ bokyea ne, amaa ɔnate so bɛ ne ɛmɔ, ɛmɔanwuwu.

Numeri 18:5

Odi kyɛ ɛmɔ bɔbɔ ɛmɔyɔ nekaa krongron berɛ adwuma ne ɔne afɔleɛ bokyea ne anwo adwuma, amaa ɛyaafɛlɛ piri amma Yisraelfoɛ so ko le.

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Numeri 31:30

Nakoso Yisraelfoɛ ngaa bɛ bue deɛ ne de, nningyein aburannu biala, kyɛ mmenia oo, nandwie oo, afunum oo, mmoaen oo, mbɔngye oo, anaa kaka biala oo, ye nu ko, ná fa ma Lewifoɛ bɔ bɛso wɔ AWURADE nyianu sua ne anu ne.”

Numeri 8:26

Bɛkɔhora bɛkɔbokaboka b’eliɛma mɔ maa bɛkɔyɔ b’adwuma wɔ ɛtena sua atenaleɛ ne anu, nakoso onni kyɛ bɛyɔ ɛsɔnenɛ adwuma ne bie. Sɔ yeɛ odi kyɛ ɛfa Lewifoɛ nemɔ adwuma wura bɛ sa ɔ.

1 Samuel 6:19

Nyameɛ huni Bete Semesefoɛ nemɔ bie, ofikyɛ bɛneane AWURADE alaka ne anu. Ohuni maen ne anu mmenia aburasoo, na mmenia ne lili aworabɔlɛ, ofikyɛ AWURADE huni maen ne anu mmenia pee paa.