Numeri 18:32 - AHYERƐLƐ KRONGRON

³² Sɛ ɛmɔfa bɔ ɔte paa paa ne bɛma AWURADE a, ye de foɛlilɛ biala ɔnne ɛmɔ so. Nakoso nnɛma ɛmɔgua Yisraelfoɛ akyɛdeɛ krongron nemɔ anwo fiɛ, ná ɛmɔanwuwu.”

Numeri 18:32 Iomraidhean Croise

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Lewitikɔso 19:8

Ebiala bɔ okoli bie ne, ye musue kɔbɔ ye ti so, ofikyɛ wafa efiɛ waha bɔ ɔte krongron ma AWURADE; na sɔ sona ne odi kyɛ bɛpɛ ye asue befi maen ne anu.

Lewitikɔso 22:2

“Ka kyire Aarɔn ne ye mma mmienzua nemɔ kyɛ, Yisraelfoɛ akyɛdeɛ krongron bɔ batu basie berɛ bama me ne, ɔsɛ kyɛ bɛnea ye yé, ná bangua me dumaa krongron ne anwo fiɛ: Me ole AWURADE.

Malaki 1:7

Ɛmɔfa aleɛ bɔ ye nwo agua efiɛ ɔ bɛbɔ afɔleɛ wɔ m’afɔleɛ bokyea so, nakoso ɛmɔbisa kyɛ, ‘Atee beni aso yeɛ yagua wɔ nwo fiɛ ɔ?’ Ye ole kyɛ, ɛmɔdwene kyɛ AWURADE poen ne de, ɛkora bu ye animtia.

Numeri 18:22

Ofi ɛnɛ bɔ ɔkɔ ɔ, nnɛma Yisraelfoɛ bepingye ɛtena sua atenaleɛ ne, anyɔ a musue kɔbɔ bɛ ti so maa bekowuwu.

Numeri 18:31

Ɛmɔkɔhora bekoli ye wɔ nekaa biala, ɛmɔ ne ɛmɔ awuro ama; ofikyɛ ɛmɔ adwuma bɔ ɛmɔyɔ ye wɔ ɛtena sua atenaleɛ ne anu ne, ye nwo akatuaa ɛne.

Numeri 19:1

AWURADE sele Mose ne Aarɔn kyɛ,

1 Korintofoɛ 11:27

Yiti sona biala bɔ okoli paanoo he, anaakyɛ ɔkɔno Awurade kulie ne noa wɔ atee bɔ ɔmvata so ne, okoli Awurade nipadua ne ye mogya nwo fɔ.

1 Korintofoɛ 11:29

Ofikyɛ ebiala bɔ odi ná ɔno ye wɔ atee bɔ ɔmvata so nen, odi ná ɔno ɔfa ndɛenbualɛ ɔbrɛ ye bɔbɔ ye nwo; ofikyɛ wammu [Awurade] nipadua ne.