Numeri 18:31 - AHYERƐLƐ KRONGRON

³¹ Ɛmɔkɔhora bekoli ye wɔ nekaa biala, ɛmɔ ne ɛmɔ awuro ama; ofikyɛ ɛmɔ adwuma bɔ ɛmɔyɔ ye wɔ ɛtena sua atenaleɛ ne anu ne, ye nwo akatuaa ɛne.

Numeri 18:31 Iomraidhean Croise

Numeri 18:30

Sa ka kyire bɛ kyɛ, Sɛ ɛmɔtu nu bie bɔ ɔte paa paa ne besie berɛ bɛma AWURADE beyie a, ye ngaa ne de ɛ́mɔfa bɛma Lewifoɛ. Ɔte kyɛ aburoo bɔ ofi nekaa bɔ bɛboro aburoo, ɔne nzaa bɔ ofi kumaa bɔ betwi nu nzaa ne ala.

Numeri 18:32

Sɛ ɛmɔfa bɔ ɔte paa paa ne bɛma AWURADE a, ye de foɛlilɛ biala ɔnne ɛmɔ so. Nakoso nnɛma ɛmɔgua Yisraelfoɛ akyɛdeɛ krongron nemɔ anwo fiɛ, ná ɛmɔanwuwu.”

Mateo 10:10

nnɛma ɛmɔfa ateetulɛ bɔtɔ, anaa ndaadeɛ nyɔ, anaa mbaboa, anaa pɔmaa, ofikyɛ adwumayɔlɛniɛ fata kyɛ ye sa kã ye aleɛ ɔ.

Luka 10:7

Na awuro ne anu ala yeɛ odi kyɛ ɛmɔtena ɔ; na ɛ́mɔli ná ɛmɔno bɔ bɛkɔfa bɛkɔma ɛmɔ ɔ, ɔnate kyɛ adwumayɔlɛniɛ fata kyɛ ye sa kã ye akatuaa. Nnɛma ɛmɔdi awuro nu tutena.

2 Korintofoɛ 12:13

Nzikyɛ paa yeɛ nyɔ mane asɔre ngaa nemɔ bɔ mbɛle ɛmɔ nyakyili ɔ? Sana m’anwokyere ye ala bɔ mamva mangua ɛmɔ so ye. Na sɛ ɛhe nwo yeɛ mayɔ tɛɛ hɔ a, nzaade ɛmɔfa bɛhyɛ me.

Galatiafoɛ 6:6

Ma ebiala bɔ osua nzɛmba ne, ɔma ye kyerɛkyerɛniɛ ye nikyee paa biala bɔ ole ɔ bie.