Numeri 18:29 - AHYERƐLƐ KRONGRON

²⁹ Akyɛdeɛ amukoraa bɔ ɛmɔkonya ye ne, nu yeɛ odi kyɛ ɛmɔye AWURADE afɔleɛ amukoraa befi ɔ; na nu bɔ ɔte paa paa ne yeɛ odi kyɛ ɛmɔtu besie berɛ bɛma AWURADE ɔ.

Numeri 18:29 Iomraidhean Croise

Gyenesise 45:18

na ɛmɔɔfa ɛmɔ ase ne ɛmɔ awuro ama mɔ bɛbra me wa. Na Misraim aseɛ ne, ngɔma ɛmɔ nekaa bɔ ɔte paa paa ɔ, ná ɛmɔanya aseɛ ne aso aleɛ paa bali.’

Ɛksadɔso 29:28

Na sɔ nhyehyɛleɛ ne kɔla berɛ afebɔɔ kɔma Aarɔn ne ye mma mmienzua mɔ, kyɛ bekonya sɔ kyɛfa ne bekofi Yisraelfoɛ berɛ ɔ; ofikyɛ ɔte afɔleɛ bɔ Yisraelfoɛ bɛkɔye bekofi b’asomdwee afɔleɛ ne anu bɛkɔbɔ kɔma AWURADE ɔ.

Numeri 18:28

Yiti buru nu ngyɛmuɛ ko amukoraa bɔ ɛmɔde befi Yisraelfoɛ berɛ ne, odi kyɛ ɛmɔye bie bésie berɛ bɛbɔ afɔleɛ bɛma AWURADE. Nu bie yeɛ odi kyɛ ɛmɔfa bɛbɔ AWURADE afɔleɛ ma ɔsɔfo Aarɔn ye sa ka ye ɔ.

Numeri 18:30

Sa ka kyire bɛ kyɛ, Sɛ ɛmɔtu nu bie bɔ ɔte paa paa ne besie berɛ bɛma AWURADE beyie a, ye ngaa ne de ɛ́mɔfa bɛma Lewifoɛ. Ɔte kyɛ aburoo bɔ ofi nekaa bɔ bɛboro aburoo, ɔne nzaa bɔ ofi kumaa bɔ betwi nu nzaa ne ala.