Numeri 18:27 - AHYERƐLƐ KRONGRON

²⁷ Odi kyɛ bebu sɔ afɔleɛ ne kyɛ ɛmɔ akyɛdeɛ ɛne. Ɔte kyɛ aburoo afɔleɛ bɔ mmenia fa fi nekaa bɔ bɛboro aburoo, ɔne anonneɛ afɔleɛ bɔ ofi kumaa bɔ betwi nu nzaa ne ala.

Numeri 18:27 Iomraidhean Croise

Gyenesise 50:10

Beedwuli nekaa bɔ bɛboro aburoo wɔ Atade bɔ ɔwɔ asue Yɔɔdan asi dɔ ne, bɛbɔle awuye serɛserɛ bɔ ɔyɛ aworabɔ paa ɔ; na Yosef yɔle ɔse sɛen ɛlɛsoo.

2 Ahemvo 6:27

Na obuale kyɛ, “Sɛ AWURADE ammoka wɔ a, nisua yeɛ mekwaanya mmokalɛ mefa meboka wɔ ɔ: nekaa bɔ bɛboro aburoo anaa nekaa bɔ betwi nzaa hɔ anaa?”

Numeri 15:20

Mɔle bɔ ofi aburoo bɔ ɛmɔkoli moa bekobu nu ne, ɛ́mɔfa bie bɛyɔ taterɛ bɛyɛ akyɛdeɛ bɛbrɛ AWURADE. Ɛ́mɔfa bɛbrɛ ye kyɛbɔ ɛmɔfa akyɛdeɛ bɔ ofi nekaa bɔ bɛboro aburoo bɛbrɛ ye ne.

Numeri 18:26

“Ka kyire Lewifoɛ kyɛ, sɛ ɛmɔ sa ka buru nu ngyɛmuɛ ko ne befi Yisraelfoɛ berɛ, bɔ male mafi bɛ berɛ mama ɛmɔ kyɛ ɛmɔ agyapadeɛ ɛne ne a, odi kyɛ ɛmɔfa nu bie bɛbɔ afɔleɛ bɛma AWURADE, maa ɔyɛ buru nu ngyɛmuɛ ko ne anu buru nu ngyɛmuɛ ko.

Numeri 18:28

Yiti buru nu ngyɛmuɛ ko amukoraa bɔ ɛmɔde befi Yisraelfoɛ berɛ ne, odi kyɛ ɛmɔye bie bésie berɛ bɛbɔ afɔleɛ bɛma AWURADE. Nu bie yeɛ odi kyɛ ɛmɔfa bɛbɔ AWURADE afɔleɛ ma ɔsɔfo Aarɔn ye sa ka ye ɔ.

Numeri 18:30

Sa ka kyire bɛ kyɛ, Sɛ ɛmɔtu nu bie bɔ ɔte paa paa ne besie berɛ bɛma AWURADE beyie a, ye ngaa ne de ɛ́mɔfa bɛma Lewifoɛ. Ɔte kyɛ aburoo bɔ ofi nekaa bɔ bɛboro aburoo, ɔne nzaa bɔ ofi kumaa bɔ betwi nu nzaa ne ala.

Deuteronomi 15:14

Fia wɔ kunu ma ye wɔ mmoaen ne w’aburoo ne wɔ nzaa ne bie; na kyɛbɔ AWURADE wɔ Nyameɛ ayira wɔ ne, sɔ ala yeɛ ma ye bie ɔ.