Numeri 18:26 - AHYERƐLƐ KRONGRON

²⁶ “Ka kyire Lewifoɛ kyɛ, sɛ ɛmɔ sa ka buru nu ngyɛmuɛ ko ne befi Yisraelfoɛ berɛ, bɔ male mafi bɛ berɛ mama ɛmɔ kyɛ ɛmɔ agyapadeɛ ɛne ne a, odi kyɛ ɛmɔfa nu bie bɛbɔ afɔleɛ bɛma AWURADE, maa ɔyɛ buru nu ngyɛmuɛ ko ne anu buru nu ngyɛmuɛ ko.

Numeri 18:26 Iomraidhean Croise

Nehemia 10:38

Na ɔsɔfo ne, bɔ ɔte Aarɔn bosoniɛ ne, sɛ Lewifoɛ nemɔ bede buru nu ngyɛmuɛ ko ne a, odi kyɛ ɔboka bɛ so. Na buru nu ngyɛmuɛ ko ne, odi kyɛ Lewifoɛ nemɔ bɛfa nu buru nu ngyɛmuɛ ko bɛba yɛ Nyameɛ awuro berɛ pumbu mɔ bɔ bɛfa nningyein besie nu nemɔ anu.

Nehemia 10:39

Ofikyɛ odi kyɛ Yisraelfoɛ ne Lewi bosofoɛ ne bɛfa b’akyɛdeɛ bɔ ɔte aburoo, nzaa ne ngoo bɛba pumbu mɔ bɔ bɛfa nningyein krongron besie nu nemɔ anu, ɔne nekaa bɔ asɔfo mɔ bɔ bɛyɔ ɛsɔnenɛ adwuma ne, anoa wɛmvoɛ nemɔ ne edweintolɛfoɛ nemɔ bɛwɔ ne. Yɛngobu yɛ nye ngogua yɛ Nyameɛ awuro ne aso.

Numeri 15:21

Wɔ ɛmɔ aworɛ ndoatoasoɛ amukoraa nu, aburoo bɔ ɛmɔkoli moa bekobu ne, ɛ́mɔfa bie bɛ́yɔ mɔle bɛ́fa bɛ́yɛ akyɛdeɛ bɛ́brɛ AWURADE.

Numeri 18:21

“Nikyee biala bɔ ɔwɔ Yisrael ne, mafa nu buru nu ngyɛmuɛ ko mama Lewifoɛ. Ɛsolɛ bɔ bɛso wɔ ɛtena sua atenaleɛ ne anu ne, ye nwo akatuaa ɛne.

Numeri 18:25

Na AWURADE sele Mose kyɛ,

Numeri 18:27

Odi kyɛ bebu sɔ afɔleɛ ne kyɛ ɛmɔ akyɛdeɛ ɛne. Ɔte kyɛ aburoo afɔleɛ bɔ mmenia fa fi nekaa bɔ bɛboro aburoo, ɔne anonneɛ afɔleɛ bɔ ofi kumaa bɔ betwi nu nzaa ne ala.

Hebrifoɛ 7:5

Né Lewi abusua bɔ betira asɔfo dwumadie ne anu ne, bele ahyɛdeɛ wɔ mmeraa ne anu kyɛ béle buru nu ngyɛmuɛ ko befi b’eliɛma mɔ Yisraelfoɛ berɛ, wɔ aberɛ bɔ bɛ koso bɛte Abraham bosofoɛ kyɛ bɛ ala ɔ.