Numeri 18:24 - AHYERƐLƐ KRONGRON

²⁴ ofikyɛ Yisraelfoɛ bɛ nningyein nu buru nu ngyɛmuɛ ko bɔ baye basie berɛ bafa babɔ afɔleɛ bama AWURADE ne, mafa mama Lewifoɛ kyɛ b’agyapadeɛ ɛne. Yiti mahã mafa bɛ nwo kyɛ bengonya agyapadeɛ wɔ Yisraelfoɛ nu.”

Numeri 18:24 Iomraidhean Croise

Nehemia 10:38

Na ɔsɔfo ne, bɔ ɔte Aarɔn bosoniɛ ne, sɛ Lewifoɛ nemɔ bede buru nu ngyɛmuɛ ko ne a, odi kyɛ ɔboka bɛ so. Na buru nu ngyɛmuɛ ko ne, odi kyɛ Lewifoɛ nemɔ bɛfa nu buru nu ngyɛmuɛ ko bɛba yɛ Nyameɛ awuro berɛ pumbu mɔ bɔ bɛfa nningyein besie nu nemɔ anu.

Nehemia 13:12

Yeɛ maen ne amukoraa besa bɛfale aburoo, nzaa ne ngoo so buru nu ngyɛmuɛ ko ne bɛwale asɔneyɛɛ sua nu berɛ nekaa bɔ bɛfa nningyein besie ne.

Lewitikɔso 27:30

“Aseɛ ne aso aleɛ buru nu ngyɛmuɛ ko ne, kyɛ betu befili aseɛnwo oo, anaakyɛ ɔte mmakaammaa oo, ye mukoraa te AWURADE deɛ; bɛte krongron bɛma AWURADE.

Numeri 18:25

Na AWURADE sele Mose kyɛ,

Numeri 18:26

“Ka kyire Lewifoɛ kyɛ, sɛ ɛmɔ sa ka buru nu ngyɛmuɛ ko ne befi Yisraelfoɛ berɛ, bɔ male mafi bɛ berɛ mama ɛmɔ kyɛ ɛmɔ agyapadeɛ ɛne ne a, odi kyɛ ɛmɔfa nu bie bɛbɔ afɔleɛ bɛma AWURADE, maa ɔyɛ buru nu ngyɛmuɛ ko ne anu buru nu ngyɛmuɛ ko.

Numeri 26:62

Lewifoɛ mmienzua bɔ bali ofi bosome ko bɔ ɔkɔ ne, bɛhale bɛ ne, bɛ somaa te apee aburanyɔ ne nza. Banga bɛ bamvra Yisraelfoɛ ngaa nemɔ, ofikyɛ bamma bɛ aseɛ biala wɔ Yisraelfoɛ nu.

Deuteronomi 10:9

Na ɔnate ɛhe ati, abusua agyapadeɛ bɔ Lewi aliɛma nemɔ nyane ye nen, ye de wannya nu kyɛfa biala; AWURADE yeɛ ɔte ye agyapadeɛ ɔ, kyɛbɔ AWURADE wɔ Nyameɛ ha hyirele ye ne.)

Deuteronomi 26:12

“Afoɛ bɔ ɔtɔ so nza ne anu, bɔ ɔte buru nu ngyɛmuɛ ko afoɛ ne, sɛ ɛye wɔ boo nu aleɛ buru nu ngyɛmuɛ ko mukoraati yie, ná ɛfa ma Lewifoɛ, ɛwɔfoɛ, ayisiaa ne akunafoɛ, maa bedi ma bɛ ko yi wɔ wɔ kuro berɛ a,

Yosua 13:14

14 Lewi abusua kure ne angome de, Mose amma bɛ aseɛ ne bie. Afɔleɛ bɔ bɛbɔ ye see so bɛma AWURADE Yisrael Nyameɛ ne yeɛ ɔte b’agyapadeɛ ɔ, kyɛbɔ ɔha hyirele bɛ ne.