Numeri 18:23 - AHYERƐLƐ KRONGRON

²³ Nakoso odi kyɛ Lewifoɛ yeɛ bɛyɔ ɛtena sua atenaleɛ nu berɛ adwuma ne ɔ, na bɛ bɔbɔ bɛ mvomsoɛ nwo musue kɔbɔ bɛ ti so. Ɔkɔyɛ daa ahyɛdeɛ wɔ ɛmɔ aworɛ ndoatoasoɛ mukoraati nu. Nakoso bengonya agyapadeɛ biala wɔ Yisraelfoɛ nu,

Numeri 18:23 Iomraidhean Croise

Ɛksadɔso 27:21

Ɛtena sua atenaleɛ berɛ, bɔ ɔwɔ mbɛmuɛ tena bɔ onwi Adanzeɛ ne nyunu ne, Aarɔn ne ye mma mmienzua mɔ yeɛ bɛkɔnea kyɛ kanea nemɔ asosɔ wɔ AWURADE nyunu ɔ, ofi nɔsoa bɔ ɔkwaadwu ngyerɛmɔ. Na sɔ ahyɛdeɛ ne kɔla berɛ daa kɔma Yisraelfoɛ wɔ b’aworɛ ndoatoasoɛ amukoraati nu.

Hesekiel 44:10

Na Lewifoɛ bɔ bɛhwene bɛ nwo befili me nwo bɛhɔle dedeede, wɔ mmerɛ bɔ Yisrael lili makyebu beelili bɛ mmosoen mɔ si ne, bɛ sa kɔhã b’amumuyɛɛ nwo asohwenɛ.

Numeri 18:1

AWURADE sele Aarɔn kyɛ, “Nekaa krongron ne anu ɛsɔnenɛ ne, bɔne biala ba ye nwo a, ɛne wɔ mma mɔ ne wɔ nana mɔ sasofoɛ yeɛ odi kyɛ ɛmɔnea bedi ye nwo dwumaa ɔ, yeɛ asɔfo adwuma ne koso, bɔne biala ba ye nwo a, ɛne wɔ mma mɔ ngome yeɛ odi kyɛ ɛmɔnea bedi ye nwo dwumaa ɔ.

Numeri 18:20

Na AWURADE sele Aarɔn kyɛ, “Engonya b’aseɛ ne bie, yeɛ engonya b’agyapadeɛ ne bie. Me yeɛ nde wɔ kyɛfa ne w’agyapadeɛ wɔ Yisraelfoɛ nu ɔ.

Numeri 19:21

Ɛhe kɔyɛ daa ahyɛdeɛ kɔma bɛ. Sona bɔ ɔpete nzue fa te bɛ nwo ne, odi kyɛ ɔpo ye nwo nningyein, na sona biala bɔ ye nwo kɔha nzue bɔ bɛfa bɛpete bɛ nwo ne, ye nwo kogua fiɛ maa okoodwu nɔsoa.

Numeri 26:62

Lewifoɛ mmienzua bɔ bali ofi bosome ko bɔ ɔkɔ ne, bɛhale bɛ ne, bɛ somaa te apee aburanyɔ ne nza. Banga bɛ bamvra Yisraelfoɛ ngaa nemɔ, ofikyɛ bamma bɛ aseɛ biala wɔ Yisraelfoɛ nu.

Numeri 3:7

Odi kyɛ bɛso wɔ nyianu sua ne anu, ná bɛyɔ adwuma bɛma Aarɔn ne maen ne amukoraa wɔ ɛtena sua atenaleɛ ne anyunu berɛ.

Numeri 35:29

Nekaa bɔ ɛmɔkɔtena biala, sɔ dwirɛ ne kɔyɛ ahyɛdeɛ ne nhyehyɛleɛ kɔma ɛmɔ wɔ ɛmɔ aworɛ ndoatoasoɛ amukoraa nu.

Deuteronomi 10:9

Na ɔnate ɛhe ati, abusua agyapadeɛ bɔ Lewi aliɛma nemɔ nyane ye nen, ye de wannya nu kyɛfa biala; AWURADE yeɛ ɔte ye agyapadeɛ ɔ, kyɛbɔ AWURADE wɔ Nyameɛ ha hyirele ye ne.)

Yosua 13:14

14 Lewi abusua kure ne angome de, Mose amma bɛ aseɛ ne bie. Afɔleɛ bɔ bɛbɔ ye see so bɛma AWURADE Yisrael Nyameɛ ne yeɛ ɔte b’agyapadeɛ ɔ, kyɛbɔ ɔha hyirele bɛ ne.