Numeri 18:22 - AHYERƐLƐ KRONGRON

²² Ofi ɛnɛ bɔ ɔkɔ ɔ, nnɛma Yisraelfoɛ bepingye ɛtena sua atenaleɛ ne, anyɔ a musue kɔbɔ bɛ ti so maa bekowuwu.

Numeri 18:22 Iomraidhean Croise

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Lewitikɔso 20:20

Sɛ ebie ne ye wɔfa aye bɛda a, wagua ye wɔfa nyunu ase, na ɔne brasua ne bɛ musue kɔbɔ bɛ ti so. Bɛ mma amukoraati kofi bɛ sa koraka né bawu.

Lewitikɔso 22:9

Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Numeri 3:38

Na bɛ bɔ odi kyɛ bɛkyekye b’asikyeleɛ wɔ nyianu sua ne nyunu, wɔ ye eyia afiteleɛ so yeɛ ole Mose ne Aarɔn ne Aarɔn mma mmienzua nemɔ. Nekaa krongron berɛ sɔnenɛ adwuma biala bɔ odi kyɛ bɛyɔ bɛma Yisraelfoɛ ne, bɛ yeɛ owura bɛ sa ɔ. Sɛ ebie mbaen pingye nekaa krongron ne a, odi kyɛ beku ye.