Numeri 18:21 - AHYERƐLƐ KRONGRON

²¹ “Nikyee biala bɔ ɔwɔ Yisrael ne, mafa nu buru nu ngyɛmuɛ ko mama Lewifoɛ. Ɛsolɛ bɔ bɛso wɔ ɛtena sua atenaleɛ ne anu ne, ye nwo akatuaa ɛne.

Numeri 18:21 Iomraidhean Croise

Gyenesise 14:20

na animnyam hã Anwuro Anwuro Nyameɛ, bɔ wafa wɔ pɔfoɛ mɔ wawura wɔ sa ne!” Na Abram mane Mɛlkisɛdɛke nningyein ne amukoraa nu buru nu ngyɛmuɛ ko.

Gyenesise 47:24

Sɛ buberɛ dwu a, ɛmɔkɔhyɛ fieso aleɛ ne anu nnu: ko kɔyɛ Faro deɛ na nna ayɛ ɛmɔ deɛ. Ɛmɔkolua bie fieso, na ɛmɔ ne ɛmɔ awuro ama ne ɛmɔ mma mɔ bali bie.”

Gyenesise 47:26

Yiti Yosef hyɛle mmeraa fale Misraim aseɛ nwo, bɔ ɔtɛwɔ berɛ ɔbaadwu ɛnɛ ɔ, kyɛ fieso nningyein biala bɛkyɛ nu kure nnu a, ko te Faro deɛ; asɔfo nemɔ aseɛ ngome yeɛ wanyɛ Faro deɛ ɔ.

2 Aberɛso Dwirɛ 31:12

Buru nu ngyɛmuɛ ko ne, ɔne nningyein bɔ batu basie berɛ bama AWURADE bɔ odi kyɛ ebiala fa ba ne, belili nahorɛ bɛfa bɛwale. Panyi bɔ né ɔnea so ole Lewiniɛ Konania. Sɛ ɔnne berɛ a, oliɛma Simei yeɛ ɔwɔ berɛ ɔ.

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Nehemia 10:37

Yɛkɔfa ɛhemɔ yɛkɔbrɛ asɔfo nemɔ maa bɛkɔfa bekogua Nyameɛ awuro berɛ pumbu nemɔ anu: yɛ mɔle nu paa paa ne, y’akyɛdeɛ mɔ, bakaa biala so mmaa, nzaa ne ngoo. Yɛ fieso aleɛ wora, yɛkɔfa buru nu ngyɛmuɛ ko yɛkɔbrɛ Lewifoɛ nemɔ, ofikyɛ Lewifoɛ yeɛ odi kyɛ bede buru nu ngyɛmuɛ ko ne befi yɛ nguraa nemɔ amukoraa nu ɔ.

Nehemia 10:38

Na ɔsɔfo ne, bɔ ɔte Aarɔn bosoniɛ ne, sɛ Lewifoɛ nemɔ bede buru nu ngyɛmuɛ ko ne a, odi kyɛ ɔboka bɛ so. Na buru nu ngyɛmuɛ ko ne, odi kyɛ Lewifoɛ nemɔ bɛfa nu buru nu ngyɛmuɛ ko bɛba yɛ Nyameɛ awuro berɛ pumbu mɔ bɔ bɛfa nningyein besie nu nemɔ anu.

Nehemia 12:44

Sɔ kyẽa ne, sua mɔ bɔ bɛfa akyɛdeɛ nemɔ, fieso aleɛ bɔ bekoli moa bɛkɔfa nemɔ, yeɛ buru nu ngyɛmuɛ ko nemɔ besie nu ne, bɛyele mmenia kyɛ bɛnea so. Mbɔtam berɛ nguro nemɔ, bɛ fieso nningyein kyɛfa bɔ mmeraa ne kyire kyɛ bɛfa bɛma asɔfo ne Lewifoɛ nemɔ ne, né odi kyɛ sɔ mmenia bɔ baye bɛ ne, bɛboaboa ye noa begua nu, ofikyɛ né Yudafoɛ bɛ nye gye asɔfo ne Lewifoɛ b’adwuma bɔ bɛyɔ ne anwo.

Nehemia 12:47

Serubabɛl aberɛ so ne Nehemia aberɛ so, daa daa aleɛ bɔ odi kyɛ bɛfa bɛma edweintolɛfoɛ ne pambim awɛmvoɛ ne, Yisraelfoɛ amukoraa bɛfa bɛbrɛle bɛ. Bɛyele bɔ ɔte krongron ne besiele ahameɛ bɛmane Lewifoɛ nemɔ, na bɔ odi kyɛ bɛfa bɛma Aarɔn boso ama nemɔ ne, Lewifoɛ nemɔ ye siele ahameɛ bɛfa bɛmane bɛ.

Nehemia 13:12

Yeɛ maen ne amukoraa besa bɛfale aburoo, nzaa ne ngoo so buru nu ngyɛmuɛ ko ne bɛwale asɔneyɛɛ sua nu berɛ nekaa bɔ bɛfa nningyein besie ne.

Nehemia 13:5

né wasiesie sua piri ko wama Tobia. Sɔ sua ne, né bɛfa sɔ nningyein hemɔ besie nu: aburoo afɔleɛ, ɛyɛɛ, ngukue, aburoo ngyɛmuɛ buru nu ko, nzaa ngyɛmuɛ buru nu ko ne ngoo ngyɛmuɛ buru nu ko bɔ bahyɛ kyɛ bɛfa bɛma Lewifoɛ, edweintolɛfoɛ ɔne pambim awɛmvoɛ, yeɛ afei akyɛdeɛ bɔ bɛfa bɛma asɔfo nemɔ ne.

Malaki 2:4

Na ɛmɔkonwu kyɛ me yeɛ nzomane maa bɛfale sɔ mmeraa dwirɛ ne bɛbrɛle ɛmɔ ɔ, amaa ɔnate so me ne Lewi apam ne watindim, Asafo AWURADE noa dwirɛ ɛne.

Malaki 3:10

Ɛ́mɔfa buru nu ngyɛmuɛ ko ne amukoraa bɛbra nekaa bɔ besie nningyein ne, amaa ɔnate so aleɛ awa m’awuro. Ɛ́mɔfa béso me bɛ́nea, sɛ mengobukye nyameɛso mboma mengɔma ɛmɔ a, sɛ mengohwie saleɛ ngogua ɛmɔ so ma ongobu ngɔfa so a, Asafo AWURADE noa dwirɛ ɛne.

Numeri 18:6

Me yeɛ maneanea Yisraelfoɛ nu maye ɛmɔ aliɛma mɔ Lewifoɛ ɔ. Bɛte akyɛdeɛ bɛma ɛmɔ, bɔ me AWURADE matu bɛ masie berɛ mama me nwo, kyɛ bɛyɔ ɛtena sua atenaleɛ ne anu adwuma ɔ.

Numeri 3:6

“Ma Lewi abusua kure ne bɛbra, ná maa bɛɛyɛ Aarɔn somvoɛ bɛboka ye wɔ ɔsɔfo adwumayɔlɛ ne anu.

Numeri 31:28

Koɛhonɛfoɛ bɔ bɛhɔle koɛ ne, bɛ bue deɛ ne, tua so toɔ ma AWURADE. Nningyein ɛyaa nnu biala, ye nu ko: kyɛ mmenia oo, nandwie oo, afunum oo, mmoaen oo, anaa mbɔngye oo.

Galatiafoɛ 6:6

Ma ebiala bɔ osua nzɛmba ne, ɔma ye kyerɛkyerɛniɛ ye nikyee paa biala bɔ ole ɔ bie.

Deuteronomi 18:8

Ɔsɛ kyɛ onya ye kyɛfa pɛpɛɛpɛ odi, kyɛ asɔfo ngaa ne ala, ɔwɔ nu kyɛ wanya sikaa wafi ɔse agyapadeɛ bɔ bayɛ ye atɔen ne anu de.

Hebrifoɛ 7:5

Né Lewi abusua bɔ betira asɔfo dwumadie ne anu ne, bele ahyɛdeɛ wɔ mmeraa ne anu kyɛ béle buru nu ngyɛmuɛ ko befi b’eliɛma mɔ Yisraelfoɛ berɛ, wɔ aberɛ bɔ bɛ koso bɛte Abraham bosofoɛ kyɛ bɛ ala ɔ.