Numeri 18:20 - AHYERƐLƐ KRONGRON

²⁰ Na AWURADE sele Aarɔn kyɛ, “Engonya b’aseɛ ne bie, yeɛ engonya b’agyapadeɛ ne bie. Me yeɛ nde wɔ kyɛfa ne w’agyapadeɛ wɔ Yisraelfoɛ nu ɔ.

Numeri 18:20 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Edwein 142:5

Ao AWURADE, mesu mefrɛ wɔ. Menwa, “Wɔ yeɛ ɛte m’afealeɛ ɔ, ɛte me bue deɛ wɔ ateasefoɛ aseɛ so.”

Edwein 16:5

AWURADE te m’agyapadeɛ bɔ mafa ɔ, ɔne me ngrabea; wɔ sa nu yeɛ me nwo amukoraa wura ɔ.

Edwein 73:26

Me nwonaen ne m’ahone kɔyɛ mmerɛ de, nakoso Nyameɛ yeɛ ɔte m’ahone anwoserɛ ne me kyɛfa afebɔɔ ɔ.

Awuye 3:24

Me kra nwa, “AWURADE yeɛ ɔte me bue deɛ ɔ, yiti ngɔfa me wora ngowura ye nu.”

Hesekiel 44:28

“Na bɔ ɔkɔyɛ b’agyapadeɛ de, me AWURADE yeɛ nde b’agyapadeɛ ɔ. Nnɛma ɛmɔma bɛ kyɛfa biala wɔ Yisrael, na me yeɛ nde bɛ kyɛfa ɔ.

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 26:62

Lewifoɛ mmienzua bɔ bali ofi bosome ko bɔ ɔkɔ ne, bɛhale bɛ ne, bɛ somaa te apee aburanyɔ ne nza. Banga bɛ bamvra Yisraelfoɛ ngaa nemɔ, ofikyɛ bamma bɛ aseɛ biala wɔ Yisraelfoɛ nu.

Deuteronomi 10:9

Na ɔnate ɛhe ati, abusua agyapadeɛ bɔ Lewi aliɛma nemɔ nyane ye nen, ye de wannya nu kyɛfa biala; AWURADE yeɛ ɔte ye agyapadeɛ ɔ, kyɛbɔ AWURADE wɔ Nyameɛ ha hyirele ye ne.)

Deuteronomi 12:12

Na ɛmɔkoli ahurusi wɔ AWURADE ɛmɔ Nyameɛ nyunu, ɛmɔ ne ɛmɔ mma mmienzua ne mmrasua, ɛmɔ ngoaa ne afaneɛ mɔ, ɔne Lewifoɛ bɔ bɛte ɛmɔ kuro, ofikyɛ bɛ de belle kyɛfa anaa agyapadeɛ biala kyɛbɔ ɛmɔ de ɛmɔanya ye ne.

Deuteronomi 14:27

Lewifoɛ bɔ bɛte wɔ nguro nemɔ anu ne, nnɛbu wɔ nye gua bɛ so, ofikyɛ bɛ de belle kyɛfa anaa agyapadeɛ biala kyɛbɔ wɔ de anya ye ne.

Deuteronomi 14:29

Ofikyɛ Lewiniɛ (ye de, olle kyɛfa anaa agyapadeɛ biala kyɛbɔ wɔ de anya ye ne), yeɛ afei ɛwɔfoɛ, nyisiaafoɛ ne akunafoɛ bɔ bɛwɔ wɔ kuro ne anu ne, bɛkɔwa bekooli kɔma bɛ ko koyi; na ɔnate so AWURADE wɔ Nyameɛ koyira wɔ wɔ wɔ sa noa adwuma mukoraati bɔ ɛkɔyɔ ɔ nu.

Yosua 13:14

14 Lewi abusua kure ne angome de, Mose amma bɛ aseɛ ne bie. Afɔleɛ bɔ bɛbɔ ye see so bɛma AWURADE Yisrael Nyameɛ ne yeɛ ɔte b’agyapadeɛ ɔ, kyɛbɔ ɔha hyirele bɛ ne.

Yosua 13:33

Nakoso Lewi abusua kure ne de, Mose amma bɛ aseɛ biala, AWURADE Yisrael Nyameɛ yeɛ ɔte b’agyapadeɛ ɔ, kyɛbɔ ɔha hyirele bɛ ne.

Yosua 14:3

Ofikyɛ abusua nyɔ ne bue bɔ bɛwɔ Yɔɔdan si dɔ ne, né Mose ali moa wafa b’agyapadeɛ deɛ wama bɛ; nakoso Lewifoɛ de, wamma bɛ agyapadeɛ biala.

Yosua 18:7

Lewifoɛ mɔ de, bengonya aseɛ biala wɔ ɛmɔ nu, ofikyɛ AWURADE sɔfolilɛ adwuma ne yeɛ ɔte b’agyapadeɛ ɔ. Na Gade abusua kure, Ruben abusua kure, ɔne Manase abusua kure ne bue de, banya b’agyapadeɛ deɛ wɔ Yɔɔdan si eyia afiteleɛ, na sɔ aseɛ ne yeɛ AWURADE somvoɛ Mose fa mane bɛ ne.”

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”