Numeri 18:2 - AHYERƐLƐ KRONGRON

² Yiti fa eliɛma mɔ bɔ bɛte wɔ nana Lewi abusua kure nu ama ne bra maa bɛɛboka wɔ so, ná bɛso wɔ mmerɛ bɔ yeɛ ɛne wɔ mma mɔ ɛmɔwɔ apam ɛtena sua ne anyunu ɔ.

Numeri 18:2 Iomraidhean Croise

Gyenesise 29:34

Osa nwonzɛle na ɔwole bienzua, na ɔhane kyɛ, “Afei de me hu kɔha kɔwa me nwo, ofikyɛ mawo mmaa mmienzua nza mama ye. Yiti ɔfrɛle ye Lewi.

2 Aberɛso Dwirɛ 30:16

Na nekaa bɔ bahyehyɛ bama bɛ wɔ Nyameɛ sona Mose mmeraa ne anu ne, beegyinagyinane berɛ. Asɔfo nemɔ petene mogya bɔ Lewifoɛ nemɔ fa mane bɛ ne.

Hesekiel 44:11

Nakoso bɛkɔyɛ me nekaa krongron berɛ asomvoɛ bɛkɔyɛ awuro berɛ anoa piri nemɔ aso awɛmvoɛ, na bɛkɔyɔ awuro berɛ ɛsɔnenɛ adwuma. Maen naen yeralɛ afɔleɛ kaka ne, ɔne afɔleɛ kaka ne, bɛ yeɛ bekohu ye ɔ, na bɛ yeɛ bekogyina mmenia ne anyunu bɛkɔso bɛ ɔ.

Hesekiel 44:15

“Nakoso Lewifoɛ bɔ bɛte asɔfo, bɔ bɛte Sadoke boso ama, bɔ bɛyɔle me nekaa krongron ne anu adwuma, mmerɛ bɔ Yisraelfoɛ belili makyebu befili me nwo ne, bɛ de, bekopingye me bɛkɔso me, na bekogyina me nyunu bɛkɔfa ɛloe ne mogya bɛkɔbrɛ me, AWURADE Nyameɛ noa dwirɛ ɛne.

Malaki 2:4

Na ɛmɔkonwu kyɛ me yeɛ nzomane maa bɛfale sɔ mmeraa dwirɛ ne bɛbrɛle ɛmɔ ɔ, amaa ɔnate so me ne Lewi apam ne watindim, Asafo AWURADE noa dwirɛ ɛne.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 17:7

Yiti Mose fale pɔmaa nemɔ guale AWURADE nyunu wɔ apam ɛtena sua ne anu.

Numeri 18:4

Odi kyɛ bɛboka wɔ so bɛyɔ ɛtena sua atenaleɛ ne anu adwuma, ná bɛ́yɔ adwuma biala bɔ ɔfa ɛtena sua ne anwo ɔ. Nnɛmaa ebiala bɔ nna Lewiniɛ ahɔ ɔ opingye ɛmɔ.

Numeri 3:5

Na AWURADE sele Mose kyɛ,

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 8:19

Afei koso, maye Lewifoɛ masie ahameɛ mafi Yisraelfoɛ nu, na mafa bɛ mayɛ akyɛdeɛ mama Aarɔn ne ye mma mmienzua mɔ, kyɛ bɛyɔ ɛsɔnenɛ adwuma bɛma Yisraelfoɛ wɔ ɛtena sua atenaleɛ ne anu, ná bɛpata bɛma Yisraelfoɛ, amaa sɛ Yisraelfoɛ bepingye nekaa krongron ne a, amaneɛ biala ando bɛ.”

Numeri 8:22

Ye si ye, Lewifoɛ mɔ hɔle bɛɛyɔle b’adwuma wɔ ɛtena sua atenaleɛ ne anu. Né Aarɔn ne ye mma mmienzua mɔ yeɛ bɛnea bɛ so ɔ. Na kyɛbɔ AWURADE hyɛle Mose fale Lewifoɛ mɔ nwo ne, sɔ ala yeɛ betuli bɛ besiele berɛ bɛmane AWURADE ɔ.

Hebrifoɛ 9:6

Kyɛ bahyehyɛ berɛ nningyein hɔ ɛne, na asɔfo nemɔ kɔ ɛtena sua bɔ oli moa ne anu ɛlɛho biala bɛkɔyɔ b’adwuma.