Numeri 18:15 - AHYERƐLƐ KRONGRON

¹⁵ Abɔdeɛ biala, kyɛ sona oo, kyɛ kaka oo, ye bamuɛbaa bɔ bɛkɔfa bɛkɔma AWURADE ne, ɔte wɔ deɛ. Nakoso kuro sona bamuɛbaa mɔ de, odi kyɛ ɛpɔ bɛ, yeɛ ngaka bɔ bɛ nwo nde mɔ bamuɛbaa mɔ koso, odi kyɛ ɛpɔ bɛ.

Numeri 18:15 Iomraidhean Croise

2 Ahemvo 12:5

odi kyɛ asɔfo nemɔ bede befi bɛ bɔ bɛbɔ afɔleɛ nemɔ berɛ. Na AWURADE awuro ne, ye nekaa biala bɔ odi kyɛ bɛyɔ ye yé ne, bɛ́fa bɛ́yɔ ye yé.”

Nehemia 10:37

Yɛkɔfa ɛhemɔ yɛkɔbrɛ asɔfo nemɔ maa bɛkɔfa bekogua Nyameɛ awuro berɛ pumbu nemɔ anu: yɛ mɔle nu paa paa ne, y’akyɛdeɛ mɔ, bakaa biala so mmaa, nzaa ne ngoo. Yɛ fieso aleɛ wora, yɛkɔfa buru nu ngyɛmuɛ ko yɛkɔbrɛ Lewifoɛ nemɔ, ofikyɛ Lewifoɛ yeɛ odi kyɛ bede buru nu ngyɛmuɛ ko ne befi yɛ nguraa nemɔ amukoraa nu ɔ.

Ɛksadɔso 13:15

Ofikyɛ mmerɛ bɔ Faro bubuli mmakaa tuale ye so kyɛ ɔngɔma yɛngɔhɔ nen, AWURADE huhuni Misraim aseɛ so bamuɛbaa mukoraati, fite mmenia bamuɛbaa mɔ so, maa oodwuli nyɛmmoa bamuɛbaa mɔ so. Na ɔnate sɔ ati yeɛ mefa kaka bamuɛbaa bienzua biala mebɔ afɔleɛ mema AWURADE ɔ. Nakoso me mma mɔ bɛ nu bamuɛbaa bienzua biala de, mepɔ ye (mefi AWURADE berɛ).’

Ɛksadɔso 13:2

“Tu bamuɛbaa mukoraa sie berɛ ma me; ebiala bɔ okoli moa kofi koɛsɛen nu kɔwa wɔ Yisraelfoɛ nu ne, sona oo, ayɛmmoa oo, ɔte me deɛ.”

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 34:20

Fa boaen ba sesã afunum bamuɛbaa biala, nakoso sɛ anzesã ye de a, ye de bu afunum ne kɔme anu. Wɔ mma nemɔ anu bamuɛbaa bienzua biala, odi kyɛ ɛpɔ ye fi AWURADE berɛ. Nnɛma ebiala fa ye sa mbaen ba me nyunu.

Numeri 18:16

Sɛ wali ofi bosome ko bɔ ɔkɔ ne a, ye ti nyɔboɛ ne, sese ye ɛdwetɛ sekel nnu kyɛbɔ nekaa krongron berɛ sekel te ɔ (ɔte gyera aburanyɔ).

Numeri 3:13

ofikyɛ bamuɛbaa amukoraa te me deɛ. Mmerɛ bɔ ngukuni Misraim aseɛ so bamuɛbaa amukoraa ne, nduli Yisrael bamuɛbaa amukoraa nziele berɛ mane me nwo, kyɛ mmenia deɛ oo, kyɛ ngaka deɛ oo; bɛte me deɛ. Me ole AWURADE.”

Numeri 3:46

Na kyɛ ɔkɔyɛ ná ɛkɔpɔ Yisraelfoɛ bamuɛbaa ɛyaa nyɔ ne aburasoo ne nza, bɔ bɛbo Lewifoɛ ne somaa so nen,

Deuteronomi 15:19

“Wɔ nandwie ne mmoaen mɔ bɛ bamuɛbaa bienzua biala, tu bɛ sie berɛ ma AWURADE wɔ Nyameɛ. Nnɛfa wɔ nandwie bamuɛbaa yɔ adwuma, yeɛ nnɛpepɛ wɔ boaen bamuɛbaa nwiaa.