Numeri 18:12 - AHYERƐLƐ KRONGRON

¹² Ngoo ne anu paa paa, nzaa ne anu paa paa, ɔne aburoo ne anu paa paa, fieso aleɛ paa paa bɔ bɛfa bɛma AWURADE ne, mafa mama wɔ.

Numeri 18:12 Iomraidhean Croise

Gyenesise 27:28

Nyameɛ ɔ́tɔ nyameɛso bosue ne bie ógua wɔ so, na ɔ́ma wɔ aseɛ so nningyein paa, ɔne aburoo ne bobe nzaa pee.

2 Ahemvo 4:42

Biaa bie fili Baal Salisa wale. Na aleɛ bɔ ofi fieso aleɛ bɔ bali moa bapɛ nu ne, ɔfa brɛle Nyameɛ sona ne. Ɔte ayuo paanoo aburanyɔ, yeɛ aburoo monɛ. Né ye mukoraa wɔ ye bɔtɔ nu. Elisa sele kyɛ, “Fa ma mmenia ne maa beli.”

2 Aberɛso Dwirɛ 31:5

Yisraelfoɛ tele sɔ dwirɛ ne pɛ, bɛfale sɔ nningyein hemɔ pee bɛwale: b’aburoo bɔ bali moa babu ɔ, nzaa, ngoo, woɛ, fieso nningyein amukoraati, na afei bɛfale nikyee biala nu buru nu ngyɛmuɛ ko pee bɛwale.

Edwein 147:14

Ɔma asomdwee ba w’aseɛ so, na ɔma wɔ atokoɔ paa ma wɔ ko yi.

Edwein 81:16

Ahaa ngɔma bɛ aleɛ paa maa bekoli, na ngɔma bɛ nyɔbotaen nu woɛ ma bɛ ko koyi.”

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 23:19

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.

Ɛksadɔso 34:26

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.”

Hesekiel 44:30

Na fieso nningyein mukoraa nu mmaa bɔ oli moa ne, nu paa paa ne, ɔne afɔleɛ ahoroɔ biala bɔ ofi ɛmɔ afɔleɛ mukoraa nu ne, ɔkɔyɛ asɔfo nemɔ deɛ. Na ɛmɔ mɔle bɔ oli moa ne koso, odi kyɛ ɛmɔfa bɛma asɔfo nemɔ, amaa ɔnate so saleɛ awa ɛmɔ awuro.

Lewitikɔso 2:12

Ɛ́mɔfa sɔ nningyein ye bɛ́brɛ AWURADE kyɛ fieso nningyein bɔ oli moa ɔ, nakoso nnɛma ɛmɔyera bɛ wɔ afɔleɛ bokyea ne aso kyɛ afɔleɛ bɔ ɔbo fona ɔ.

Lewitikɔso 2:14

“Sɛ ɛmɔfa aburoo bɔ bekoli moa bekobu ne bie bɛbɔ afɔleɛ bɛma AWURADE a, odi kyɛ ɛmɔfa aburoo monɛ bɔ bekoli moa bekobu ne bie, bɔ bahye ye see so ná basi ɔ.

Lewitikɔso 23:17

Odi kyɛ ɛmɔfa paanoo mumua nyɔ befi ɛmɔ atenaleɛ nemɔ anu bɛbabɔ ɛnwahanɛ afɔleɛ maa ɔyɛ aleɛ bɔ bali moa bate afɔleɛ ma AWURADE. Odi kyɛ paanoo ko biala bɛfa esam paa bɔ bafa mɔle harewaa bafra ɔ olonka nyɔ yeɛ bɛto ɔ.

Lewitikɔso 23:20

Ngaka nemɔ, ɔne paanoo bɔ bafa aleɛ bɔ bali moa bate yeɛ bato ne, odi kyɛ ɔsɔfo ne pagya bɛ fa bɔ ɛnwahanɛ afɔleɛ wɔ AWURADE nyunu, mmoaen nyɔ ne boka so. Bɛte krongron ma AWURADE, na bɛkɔyɛ ɔsɔfo ne deɛ.

Deuteronomi 18:3

Asɔfo nemɔ kyɛfa bɔ bekonya bekofi mmenia bɔ bɛbɔ afɔleɛ ne berɛ ne, sɛ ɔte nandwie oo, anaa boaen oo, ɔsɛ kyɛ bɛfa ye waen ne, ye awogyee nyɔ ne, ɔne ye fure ne bɛma bɛ.

Deuteronomi 18:4

W’aburoo, wɔ nzaa ne wɔ ngoo bɔ ekoli moa konya ye ne, ɔne wɔ mmoaen nwo nwiaa bɔ ekoli moa kɔpepɛ ne, fa ma ɔsɔfo.

Deuteronomi 26:2

so mmakaammaa mukoraa bɔ ekoli moa kɔte ne, bɔ ekonya kofi aseɛ bɔ AWURADE wɔ Nyameɛ ɔ́fa ma wɔ ne aso ne, fa bie gua kɛndɛen nu, ná fa kɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.

Deuteronomi 32:14

ɔmane ye nandwie nyɔfonesue nye loe, ɔne boaen nyɔfonesue, mmoaen bɔ balɔ ɔ, Basan mmoaen nyii ne mbɔngye; ɔne atokoɔ paa, na ɛnone bobe mmaa nzaa bɔ bahwi ye gyengɔgyengɔ ɔ.