Numeri 18:1 - AHYERƐLƐ KRONGRON

¹ AWURADE sele Aarɔn kyɛ, “Nekaa krongron ne anu ɛsɔnenɛ ne, bɔne biala ba ye nwo a, ɛne wɔ mma mɔ ne wɔ nana mɔ sasofoɛ yeɛ odi kyɛ ɛmɔnea bedi ye nwo dwumaa ɔ, yeɛ asɔfo adwuma ne koso, bɔne biala ba ye nwo a, ɛne wɔ mma mɔ ngome yeɛ odi kyɛ ɛmɔnea bedi ye nwo dwumaa ɔ.

Numeri 18:1 Iomraidhean Croise

Ɛksadɔso 28:38

Ɔkɔbɔ Aarɔn nwoma so. Na mvomsoɛ biala bɔ Yisraelfoɛ kɔyɔ wɔ b’akyɛdeɛ krongron bɔ bɛfa bɛbɔ afɔleɛ krongron nwo ne, Aarɔn kɔfa kɔsoa. Mmerɛ biala, ɔkɔbɔ Aarɔn nwoma so, amaa ɔnate so akyɛdeɛ krongron nemɔ asɔ AWURADE nye.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Hesekiel 4:4

“Afei, da hyerewaa so wɔ wɔ bɛen so, ná fa Yisrael awuro ama b’amumuyɛɛ gua wɔ so. Na ngyẽa somaa biala bɔ ɛla hyerewaa so nen, né b’amumuyɛɛ yeɛ asoa ɔ.

Lewitikɔso 10:17

“Nzu ati yeɛ ɛmɔanni bɔne nwo afɔleɛ ne wɔ nekaa bɔ ɔte krongron ɔ? Ofikyɛ ɔte nikye krongron paa, na Nyameɛ afa ama ɛmɔ, amaa ɛmɔaprapra mmenia nemɔ amumuyɛɛ bagua na ɛmɔapata bama bɛ wɔ AWURADE nyunu.

Lewitikɔso 22:16

amaa sɛ bedi b’akyɛdeɛ krongron bɔ ye nwo agua fiɛ ne a, sona bɔ ɔfale afɔleɛ ne wale ne wanni ye nwo fɔ bɔ okohia kyɛ ɔkɔbɔ foɛlilɛ afɔleɛ ɔ; ofikyɛ me ole AWURADE bɔ mete bɛ nwo ne.

Lewitikɔso 22:9

Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Numeri 14:34

Ngyẽa eleburanna yeɛ ɛmɔfa bɛɛtetɛle aseɛ ne ɔ. Na kyɛbɔ ngyẽa ne somaa te ne, ɛmɔ amumuyɛɛ kɔbɔ ɛmɔ ti so afoɛ aburanna, bɔ kyẽa ko biala gyi berɛ ma afoɛ ko ɔ; na ɛmɔkonwu kyɛbɔ me yaafɛlɛ si te ɔ.

Numeri 16:10

Wama wɔ ne eliɛma mɔ Lewifoɛ amukoraa ate ama ɛmɔawa ye nyunu; nakoso afei de ɛmɔpere asɔfo adwuma ne bɛboka so!

Numeri 17:13

Ebiala bɔ okopingye AWURADE nyianu sua ne, okowu. Aso odi kyɛ yɛ mukoraa yɛtotɔ anaa?”

Numeri 17:3

na kyerɛ Aarɔn dumaa gua Lewi pɔmaa deɛ anwo. Ofikyɛ sona bɔ otua bɛ nana mɔ sasofoɛ noa biala, odi kyɛ onya pɔmaa ko.

Numeri 17:7

Yiti Mose fale pɔmaa nemɔ guale AWURADE nyunu wɔ apam ɛtena sua ne anu.

Numeri 18:11

Ɛhe koso te wɔ deɛ: akyɛdeɛ biala bɔ baye bafi Yisraelfoɛ ɛnwahanɛ afɔleɛ amukoraa nu ɔ. Mafa mama wɔ ne wɔ mma mmienzua ne wɔ mma mmrasua. Ɔte akyɛdeɛ afebɔɔ, ebiala bɔ ye nwo te wɔ w’awuro berɛ ne, ɔkora odi bie.

Numeri 3:6

“Ma Lewi abusua kure ne bɛbra, ná maa bɛɛyɛ Aarɔn somvoɛ bɛboka ye wɔ ɔsɔfo adwumayɔlɛ ne anu.

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

Maenbulɛfoɛ 17:12

Yiti Mika hyɛle Lewiniɛ aberandeɛ ne sɔfo maa ɔɔyɛle ye sɔfo. Né ɔte Mika awuro berɛ.