Numeri 17:8 - AHYERƐLƐ KRONGRON

⁸ Aleɛ hyene ne, mmerɛ bɔ Mose hɔle apam ɛtena sua ne anu ne, né Aarɔn ye pɔmaa bɔ ɔte Lewi sasofoɛ bɛ pɔmaa ne wafefɛ. Né wabɔ nyerɛen, wanya nyaa, na wasu atonwaa bɔ waboro ɔ.

Numeri 17:8 Iomraidhean Croise

Gyenesise 40:10

Né bobe ne le asa mmaa nza. Ɔfefɛle pɛ, yeɛ ɔbɔle nyerɛen ɔ, na nyerɛen kure kure ne borole yɛle bobe mmaa.

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein Nu Dwein 2:3

Kyɛbɔ aprɛ te wɔ eburo mmakaa mɔ nu ne, sɔ ala yeɛ me kurofoɛ ne ɔte wɔ mmerandeɛ mɔ nu ɔ. Ndenane ye bo fɔnwoo ne anu wɔ anika nu, na ye mma ne, wabie wagua me gye abo.

Yesaya 4:2

Sɔ kyẽa ne, AWURADE (bakaa) mmaen ne kɔyɛ nyemene, okonya animnyam, na aseɛ ne aso mmakaammaa kɔyɛ anwohoahoa nikyee ne animnyam kɔma Yisrael mmenia bɔ banya bɛ ti badidi nu ne.

Hesekiel 17:24

Eburo mmakaa mukoraa bekonwu kyɛ me, AWURADE, me yeɛ mema bakaa tendenn yɛ tikaa, ná mesa mema bakaa tikaa yɛ tendenn ɔ; me yeɛ mema bakaa monɛ yɛ wuruwaa, ná mesa mema bakaa wuruwaa fefɛ ɔ. Me, AWURADE, me yeɛ mahã ɔ, na ngɔyɔ.”

Hesekiel 19:12

Nakoso betutuli bobe bakaa ne abo anyeborolɛ so, na begyili ye bɛtole ase. Eyia afiteleɛ mvrama kesene ye mma nemɔ, ye mmaen serɛserɛ nemɔ wuli, na see yerale bɛ.

Hesekiel 19:14

Na see afi bakaa ne anu, waatɔ ye mmaen nemɔ anu, ɔne ye mma ne anu wayera bɛ. Yiti mmaen serɛserɛ biala nne berɛ ko bɔ ɔkɔyɛ ahemvo mɔ bɛ hɔtɔ ɔ. Ɛhe te awuyebɔlɛ, na waayɛ awuyebɔlɛ.

Numeri 16:5

Na osele Kora ne ye lɔen ne amukoraa kyɛ, “Ɛhema ngyerɛmɔ, AWURADE kɔmaa yɛkonwu sona horɛ bɔ ɔte AWURADE deɛ ɔ, bɔ ɔte krongron ɔ, ɔne bɔ ɔkɔpene so maa okopingye ye ɔ. Sona bɔ AWURADE kɔnea nu kɔye ye ne, ɔkɔmaa okopingye ye.

Numeri 17:5

Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

Numeri 17:9

Yeɛ Mose sesale pɔmaa nemɔ amu fili AWURADE nyunu fitele, na ɔfa brɛle Yisraelfoɛ amu. Bɛneane nu, na ebiala yele ye pɔmaa deɛ.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.