Numeri 17:7 - AHYERƐLƐ KRONGRON

⁷ Yiti Mose fale pɔmaa nemɔ guale AWURADE nyunu wɔ apam ɛtena sua ne anu.

Numeri 17:7 Iomraidhean Croise

Ɛksadɔso 38:21

Nyianu sua ne nwo nningyein ne, ye nwo ngondaa ɛhe: mekyire adanzeɛ ɛtena sua bɔ ɔsɔfo Aarɔn awa Yitama neane Lewifoɛ mɔ so maa bɛhyerɛ bɛtole berɛ, kyɛbɔ Mose hyɛle ne.

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 14:10

Nakoso maen ne amu yɛle b’adwene kyɛ bɛkɔboro bɛ nyɔboɛ. Yeɛ AWURADE animnyam yele ye nwo ali ɛtena sua atenaleɛ ne anu hyirele Yisraelfoɛ amukoraa.

Numeri 17:4

Fa gua ɛtena sua atenaleɛ ne anu wɔ Adanzeɛ ne anyunu, nekaa bɔ me ne ɛmɔ yɛyia ne.

Numeri 17:6

Mose ha hyirele Yisraelfoɛ, na bɛ mbanyi nemɔ amu bɛmane ye pɔmaa: panyi biala deɛ ko, pɔmaa buru ne nyɔ kyɛbɔ bɛ nana mɔ sasofoɛ te ɔ, na né Aarɔn pɔmaa deɛ boka bɛ deɛ ne aso.

Numeri 18:2

Yiti fa eliɛma mɔ bɔ bɛte wɔ nana Lewi abusua kure nu ama ne bra maa bɛɛboka wɔ so, ná bɛso wɔ mmerɛ bɔ yeɛ ɛne wɔ mma mɔ ɛmɔwɔ apam ɛtena sua ne anyunu ɔ.

Numeri 9:15

Kyẽa bɔ besili nyianu sua ne, munungum ne munduni nyianu sua bɔ ɔte adanzeɛ ɛtena sua ne aso, fi nɔsoa maa oodwuli ngyerɛmɔ. Né munungum ne sue te kyɛ see, na omunduni nyianu sua ne aso.

Asomafoɛ 7:44

“Né yɛ nana mɔ le ɛtena sua wɔ ɛserɛ ne aso bɔ okyire kyɛ Nyameɛ ne bɛ bɛwɔ berɛ ɔ. Na kyɛbɔ Nyameɛ hyɛle Mose kyɛ ɔyɔ ɛtena sua nen, kyɛbɔ osi nwuni ye ne ala yeɛ ɔyɔle ye ɔ.