Numeri 17:5 - AHYERƐLƐ KRONGRON

⁵ Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

Numeri 17:5 Iomraidhean Croise

2 Aberɛso Dwirɛ 26:16

Nakoso mmerɛ bɔ Yusia nyane tumi ne, ɔyɛle anwomasoɛ, na ɔnate so ye ayieleɛ wanyie ye yé. Ɔyɔle bɔne tiale AWURADE ye Nyameɛ, ofikyɛ ye bɔbɔ ɔhɔle AWURADE asɔneyɛɛ sua ne anu ɔɔyerale ɛyɛɛ wɔ ɛyɛɛ afɔleɛ bokyea ne aso.

Ɛsra 2:62

Sɔ mmenia nemɔ penane bɛ dumaa wɔ mmusua ngrataa nemɔ anu, nakoso né bɛ dumaa nne nu. Ye sɔ ne ati, bebuli bɛ kyɛ bɛ nwo nde, na bɛyele bɛ befili sɔfolilɛ adwuma ne anu.

Edwein 105:26

Ɔsomane ye somvoɛ Mose, yeɛ Aarɔn bɔ ɔneaneane nu yele ye ne.

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 13:11

Mebaahwe ewiase so wɔ ye bɔne nwo, ngɔhwe bɔnefoɛ so wɔ b’amumuyɛɛ nwo, ngɔpɛ ahandaenfoɛ b’anwomasoɛ ne aso, yeɛ ngɔbrɛ atianuserɛfoɛ bɛ nduhoɛ ne ase.

Yesaya 27:6

Mmerɛ bie baawa, Yakob kotira ndii, Yisrael kɔfefɛ kɔbɔ nyerɛen, na ɔkɔma ye mma koyi ewiase amukoraa tɛkyɛ.

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Hesekiel 16:41

Bɛkɔto wɔ sua mɔ nu see, na bɛkɔhwe wɔ so bɔ mmrasua pee bɛ nye tua ɔ. Ngɔmaa ɛkɔyakyi gyanderabɔlɛ ne, na ɛngɔhyɛ nikyee ko.

Hesekiel 23:27

Na wɔ nyanzoen bra ne wɔ gyandera bra bɔ ɛne ye fili Misraim aseɛ so wale ne, ngotu ye bo; amaa ɔnate so ambagya wɔ nye angyire Misraimfoɛ anaa angaye bɛ ko.

Hosea 14:5

Ngɔyɛ kyɛ bosue ngɔma Yisrael: ɔkɔfefɛ kyɛ sukooko, na okonya ndii kyɛ Lebanon.

Numeri 1:51

Sɛ mmerɛ dwu kyɛ ɛmɔtutu nyianu sua ne bɛkɔ a, odi kyɛ Lewifoɛ nemɔ yeɛ betutu ɔ. Na odwu ye silɛ so a, odi kyɛ Lewifoɛ mɔ besa bɛnea bɛhyehyɛ. Na sɛ ebiala bɔ nna Lewiniɛ ahɔ ɔ opingye ɛtena sua ne a, odi kyɛ beku ye.

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 16:11

Yiti ɛne wɔ mmenia bɔ bɛboka wɔ so ne amukoraa, ɛmɔayɔ AWURADE nwo lɔen. Aarɔn ole nwa bɔ ɛmɔpenepene bɛ komvi begua ye so ye?”

Numeri 16:5

Na osele Kora ne ye lɔen ne amukoraa kyɛ, “Ɛhema ngyerɛmɔ, AWURADE kɔmaa yɛkonwu sona horɛ bɔ ɔte AWURADE deɛ ɔ, bɔ ɔte krongron ɔ, ɔne bɔ ɔkɔpene so maa okopingye ye ɔ. Sona bɔ AWURADE kɔnea nu kɔye ye ne, ɔkɔmaa okopingye ye.

Numeri 17:10

Na AWURADE sele Mose kyɛ, “Sá fa Aarɔn pɔmaa ne baato Adanzeɛ ne nyunu, maa ɔbɔ ɛlɔenyɛlɛfoɛ nemɔ kɔkɔ, bɔ ɔnate so ɛkɔma bɛ komvi bɔ bɛpenepene begua me so ne, ye bo kɔpɛ ɔ, anyɔ sɔ a bekowuwu.”

Numeri 17:6

Mose ha hyirele Yisraelfoɛ, na bɛ mbanyi nemɔ amu bɛmane ye pɔmaa: panyi biala deɛ ko, pɔmaa buru ne nyɔ kyɛbɔ bɛ nana mɔ sasofoɛ te ɔ, na né Aarɔn pɔmaa deɛ boka bɛ deɛ ne aso.

Numeri 17:8

Aleɛ hyene ne, mmerɛ bɔ Mose hɔle apam ɛtena sua ne anu ne, né Aarɔn ye pɔmaa bɔ ɔte Lewi sasofoɛ bɛ pɔmaa ne wafefɛ. Né wabɔ nyerɛen, wanya nyaa, na wasu atonwaa bɔ waboro ɔ.

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

Yosua 4:7

ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”