Numeri 16:9 - AHYERƐLƐ KRONGRON

⁹ Aso ɔte nikyee ba ma ɛmɔ, kyɛ Yisrael Nyameɛ waneanea Yisraelfoɛ nu waye ɛmɔ, ná wama ɛmɔ ate kyɛ ɛmɔbra ye nyunu bɛɛyɔ AWURADE nyianu sua ne anu adwuma, ná ɛmɔgyina maen ne anyunu bɛso bɛ ɔ?

Numeri 16:9 Iomraidhean Croise

Gyenesise 30:15

Nakoso Lea bisale ye kyɛ, “Aso me hu bɔ ale ye ne, ɛhene angome anzo wɔ? Ɛpena kyɛ ede mma nwonzɛenyire mmakaammaa ne koso boka so?” Na Rahɛl sele kyɛ, “Nzaade maa ɔne wɔ bɛla ɛnɛ kɔngɔen ye na fa tua ɛwa ne nwonzɛenyire mmakaammaa ne kerɛ.”

2 Samuel 7:19

Nakoso AWURADE Nyameɛ, bɔ ayɔ ne po, ɔte wɔ nye so nikyee kaaba bie, ofikyɛ asa aha kyɛ ɛkɔma wɔ somvoɛ ne ye boso ama yɛkoli hene mmerɛ tendetende. Ao, AWURADE Nyameɛ, sɔ yeɛ ahyehyɛ ato berɛ ama adasa anaa?

2 Aberɛso Dwirɛ 35:3

Osele Lewifoɛ bɔ bɛ yeɛ né bekyirekyire Yisraelfoɛ amukoraa Nyameɛ dwirɛ, ná bɛte krongron bɛma AWURADE ne kyɛ, “Alaka krongron ne, ɛ́mɔfa besie awuro bɔ Dawide awa Yisrael hene Solomon osili ne anu. Onni kyɛ ɛmɔsoa ye wɔ ɛmɔ bati so ko. Na afei, ɛ́mɔso AWURADE ɛmɔ Nyameɛ ne ye maen Yisrael.

Nehemia 12:44

Sɔ kyẽa ne, sua mɔ bɔ bɛfa akyɛdeɛ nemɔ, fieso aleɛ bɔ bekoli moa bɛkɔfa nemɔ, yeɛ buru nu ngyɛmuɛ ko nemɔ besie nu ne, bɛyele mmenia kyɛ bɛnea so. Mbɔtam berɛ nguro nemɔ, bɛ fieso nningyein kyɛfa bɔ mmeraa ne kyire kyɛ bɛfa bɛma asɔfo ne Lewifoɛ nemɔ ne, né odi kyɛ sɔ mmenia bɔ baye bɛ ne, bɛboaboa ye noa begua nu, ofikyɛ né Yudafoɛ bɛ nye gye asɔfo ne Lewifoɛ b’adwuma bɔ bɛyɔ ne anwo.

Yesaya 7:13

Yeɛ Yesaya sele kyɛ, “O Dawide awuro ama, ɛ́mɔtie! Ɛmɔnwa nzɛ ɔte edwirɛ baa kyɛ ɛmɔma ɛmɔ nwo yɛ mmenia ahi, bɔ yeɛ ɛmɔama ɛmɔ nwo ayɛ me Nyameɛ koso ahi ye?

Hesekiel 34:18

Aso wanyɛ ɛmɔ anyesɔ kyɛ ɛmɔdidi nekaa bɔ berɛ ndire te paa ɔ, bɔ yeɛ ɛmɔfa ɛmɔ gya betiatia ɛmɔ ndire bɔ waha ne aso ɔ? Aso wanyɛ ɛmɔ anyesɔ kyɛ ɛmɔno nzue gyengɔgyengɔ ɔ, bɔ yeɛ ɛmɔfa ɛmɔ gya bɛponda bɔ waha ne ɔ?

Hesekiel 44:16

Bɛ yeɛ bɛkɔwa me nekaa krongron ne anu ɔ, na bɛ yeɛ bekopingye me poen nwo bɛkɔso me ɔ, na bɛkɔyɔ me ɛsɔnenɛ adwuma ne.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 16:13

Aso ɔte edwirɛ baa kyɛ aaye yɛ afi aseɛ bɔ nyɔfonesue ne woɛ tengyɛ wɔ so ɔ so, kyɛ ɛbaahu yɛ wɔ ɛserɛ ye aso, bɔ yeɛ esa hyɛ yɛ so ɔ?

Numeri 16:8

Yeɛ Mose sele Kora kyɛ, “Afei ɛmɔ Lewifoɛ, ɛ́mɔtie!

Numeri 3:6

“Ma Lewi abusua kure ne bɛbra, ná maa bɛɛyɛ Aarɔn somvoɛ bɛboka ye wɔ ɔsɔfo adwumayɔlɛ ne anu.

Numeri 3:9

Ma Lewifoɛ mɔ bewura Aarɔn ne ye mma mmienzua mɔ bo; maye bɛ mafi Yisraelfoɛ nu bɔkɔɔ mafa bɛ mama Aarɔn.

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

1 Korintofoɛ 4:3

Na me de, ɔmva me nwo kyɛ ɛmɔ anaa sona biala kobua me ndɛen ɔ; me bɔbɔ po memmua me nwo ndɛen.

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

1 Samuel 18:23

Sɔɔlo somvoɛ nemɔ feale ase hane sɔ dwirɛ ne behyirele Dawide. Na Dawide buale kyɛ, “Ɛmɔnwa nzɛ ɔte edwirɛ baa kyɛ ngɔyɛ Nana sia ɔ. Me, ehianiɛ baa, nnde huu.”