Numeri 16:5 - AHYERƐLƐ KRONGRON

⁵ Na osele Kora ne ye lɔen ne amukoraa kyɛ, “Ɛhema ngyerɛmɔ, AWURADE kɔmaa yɛkonwu sona horɛ bɔ ɔte AWURADE deɛ ɔ, bɔ ɔte krongron ɔ, ɔne bɔ ɔkɔpene so maa okopingye ye ɔ. Sona bɔ AWURADE kɔnea nu kɔye ye ne, ɔkɔmaa okopingye ye.

Numeri 16:5 Iomraidhean Croise

Edwein 105:26

Ɔsomane ye somvoɛ Mose, yeɛ Aarɔn bɔ ɔneaneane nu yele ye ne.

Edwein 115:10

Ao Aarɔn awuro ama, ɛ́mɔfa ɛmɔ wora béwura AWURADE nu! Ye yeɛ ɔte ɛmɔ bokafoɛ ne ɛmɔ akokyɛm ɔ.

Edwein 65:4

Bɛ bɔ ɛneanea nu ɛtwe bɛ bata wɔ nwo, kyɛ bɛɛtena w’abrannaa nu ne, benya saleɛ. W’awuro bɔ yeɛ ole w’asɔneyɛɛ sua krongron ne, nu nningyein paa ne, ɔma yɛ nwo tɔ yɛ.

Ɛksadɔso 28:1

“Afei, ye eliɛma Aarɔn ne ye mma mmienzua nemɔ sie ahameɛ fi Yisraelfoɛ nu ma bɛbra wɔ berɛ, ná beeli sɔfo bɛso me. Mekyire Aarɔn ne ye mma mmienzua Nadabo ne Abihu, yeɛ Eleasa ne Yitama.

Ɛksadɔso 28:41

Ɛkɔfa kowura eliɛma Aarɔn, ɔne ye mma mmienzua mɔ bɔ bɛboka ye so ne. Afei ɛkɔfa ɛpopalɛ ngoo kogua bɛ ti so, ɛkɔyɛ bɛ sɔfo, ná ate bɛ nwo maa bayɛ krongron, ná bali sɔfo baso me.

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Yeremia 30:21

Bɛ bɔbɔ bɛ nu yeɛ b’atitirefoɛ kofi ɔ, yeɛ bɛ maenbulɛniɛ ne koso kofi bɛ nu. Ngɔmaa ɔkɔhwe kopingye, na okopingye me; ofikyɛ nwa yeɛ ɔkɔhora kosi ye hue kopingye me ɔ? AWURADE noa dwirɛ ɛne.

Yeremia 49:19

Ɛ́mɔtie, ɔkɔwa kyɛ gyata bɔ ofi Yɔɔdan ɛhɔayeɛ nu, bɔ ɔba bako tia anwoserɛfoɛ atenaleɛ ne ɔ, nakoso mvum nu, ngɔma Edom kofi berɛ kɔnwati. Na sona bɔ maneanea nu maye ne, ngɔfa berɛ ngowura ye sa. Na nwa yeɛ ɔte kyɛ me ɔ? Nwa yeɛ ɔkɔhora kobisa me dwirɛ ɔ? Na mmoaenneafoɛ beni yeɛ ɔkɔhora me nyunu gyina ɔ?

Yeremia 50:44

“Tie, ɔ́ba kyɛ gyata bɔ ofi asue Yɔɔdan noa ɛhɔayeɛ nu bɔ ɔfa koɛ kɔteta anwoserɛfoɛ atenaleɛ ɔ, nakoso ngɔmaa bɛkɔnwati bekofi ye nwo mvum nu, na ngɔma bɔ maneanea nu maye ye ne koli ye so. Ofikyɛ nwa yeɛ ɔte kyɛ me ɔ? Nwa yeɛ ɔkɔhora kobisa me dwirɛ ɔ? Na mmoaenneafoɛ beni yeɛ ɔkɔhora me nyunu gyina ɔ?

Hesekiel 40:46

na pumbu bɔ ye nye kyire sorɔ dɔ ne, asɔfo mɔ bɔ bɛyɔ afɔleɛ bokyea ne aso adwuma ne, ɔte bɛ deɛ. Bɛ ole Sadoke boso ama, bɔ bɛte Lewi boso ama, bɔ bɛ yeɛ bepingye AWURADE bɛsɔne ye ne.

Hesekiel 43:19

Lewifoɛ bɔ bɛte asɔfo bɔ bɛte Sadoke bosofoɛ ne, bɔ yeɛ bepingye me bɛbaso me ne, fa nandwie nyii akrɔngrɔma ko ma bɛ ma bɛbɔ bɔne nwo afɔleɛ, AWURADE Nyameɛ noa dwirɛ ɛne.

Hesekiel 45:4

Berɛ yeɛ ɔkɔyɛ aseɛ ne anu nekaa krongron ne ɔ. Asɔfo mɔ bɔ bɛyɔ ɛsɔnenɛ adwuma wɔ nekaa krongron ne anu, bɔ bepingye AWURADE bɛso ye ne, ɔkɔyɛ bɛ deɛ. Berɛ kɔyɛ b’awuro mɔ ɔne aseɛ krongron bɔ nekaa krongron ne ɔwɔ ɔ.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 8:2

“Fa Aarɔn ne ye mma mmienzua nemɔ, ndaadeɛ ne, ɛpopalɛ ngoo ne, bɔne nwo afɔleɛ nandwie nyii ne, mmoaen nyii nyɔ ne, kɛndɛen bɔ paanoo kabrɛdi gua nu ne;

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Numeri 16:6

Wɔ Kora, ɛne wɔ lɔen, bɔ odi kyɛ ɛmɔyɔ hɔ ɛhe: ɛ́mɔfa see kulie mɔ.

Numeri 17:5

Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

Numeri 17:8

Aleɛ hyene ne, mmerɛ bɔ Mose hɔle apam ɛtena sua ne anu ne, né Aarɔn ye pɔmaa bɔ ɔte Lewi sasofoɛ bɛ pɔmaa ne wafefɛ. Né wabɔ nyerɛen, wanya nyaa, na wasu atonwaa bɔ waboro ɔ.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Asomafoɛ 1:2

bɔ ɔkwaadwu kyẽa bɔ bɛfale ye bɛhɔle nyameɛso ɔ. Na anzana bɛbaafa ye bɛkɔ nyameɛso ne, ɔnate Sunzum Krongron so mane mmenia bɔ waneanea nu waye bɛ kyɛ ye asomafoɛ nemɔ ahyɛdeɛ.

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 15:7

Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli.

Asomafoɛ 22:14

Na ɔhane kyɛ, ‘Yɛ nana mɔ Nyameɛ ne, waneanea nu waye wɔ kyɛ enwu ye apɛdeɛ, ná enwu ye Teneneeniɛ ne, na ɛte ye bɔbɔ ye noa nu dwirɛ,

Ɛfesofoɛ 2:13

Nakoso afei de, Kristo nu, ɛmɔ bɔ ahaa né ɛmɔwɔ dedeede ne, ɛmɔafa Kristo mogya ne aso bapingye.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

1 Samuel 2:28

Nneaneane nu nyele ye mvili Yisrael mmusua kure amukoraa nu kyɛ ɔɔyɛ ɔsɔfo ma me, kyɛ ɔhɔ m’afɔleɛ bokyea nwo, ɔ́yera ɛyɛɛ, ná ówura ɔsɔfo ataadeɛ ógyina me nyunu. Na see so afɔleɛ mukoraa bɔ Yisraelfoɛ bɛbɔ bɛma me ne, mva nwurale wɔ nana abusua ne sa.