Numeri 16:41 - AHYERƐLƐ KRONGRON

⁴¹ Nakoso aleɛ hyene ne, maen ne amukoraati bɛpenepenene bɛ komvi beguale Mose ne Aarɔn so kyɛ, “Ɛmɔahu AWURADE mmenia.”

Numeri 16:41 Iomraidhean Croise

1 Ahemvo 18:17

Ahabo nwuni Elia ne, osele Elia kyɛ, “Nna wɔ ɛhe, wɔ bɔ ɛmma Yisrael nwo ndɔ ye ɔ!”

Edwein 106:13

Nakoso wangyɛ yeɛ bɛ wora fili ye nnwumaa ɔ, na banwondɛ bandie ye ahyɛdeɛ.

Edwein 106:23

Yiti ɔhane kyɛ okohũhũ bɛ. Nakoso Mose bɔ waneanea nu waye ye ne, ɔpale kyerɛ mane bɛ wɔ Nyameɛ nyunu, kyɛ ɔma ye ahone ɔtɔ nzue nu, ná nnɛmaa okũkũ bɛ.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Yeremia 43:3

Nakoso Neria awa Baruku yeɛ opiapia wɔ maa ɛyɔ bɔ otia yɛ ɔ, kyɛbɔ ɔkɔyɛ bɔ ɔkɔfa yɛ kowura Kaldeafoɛ nemɔ sa, amaa ɔnate so bahũhũ yɛ anaa bahye yɛ nnure bafa yɛ bahɔ Babilɔn ɔ.”

Amose 7:10

Afei Betel sɔfo Amasia tole ngraa ɔɔmane Yisrael hene Yeroboam kyɛ, “Amose abɔ wɔ nwo porɛ wɔ Yisrael awuro ama mɔ nu’. Ye noa dwirɛ ne amukoraa kɔbɔ maen ne.

Numeri 14:2

Na Yisraelfoɛ amukoraa bɛpenepenene bɛ komvi beguale Mose ne Aarɔn so. Maen ne amukoraa sele bɛ kyɛ, “Sɛ yɛwuwuli wɔ Misraim aseɛ so po a, ahaa ɔte paa! Sɛ yɛwuwuli wɔ ɛserɛ ye aso po a, ahaa ɔte paa!

Mateo 5:11

“Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Asomafoɛ 21:28

na bɛteane nu kyɛ, “Yisraelfoɛ ee, ɛmɔbra oo, na sona bɔ ɔnate ɔyɛ ngyerɛkyerɛ kyire mmenia wɔ nekaa biala fa tia Yisraelfoɛ ne Mose mmeraa ne asɔneyɛɛ sua ne ɛhe oo! Na wasa wafa Helafoɛ po wawa asɔneyɛɛ sua ne anu waagua Nekaa Krongron ne nwo fiɛ.”

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

2 Korintofoɛ 6:8

Bedi yɛ ni ná basa bagua yɛ nyunu ase, bɛkã yɛ nwo dwirɛ tɛɛ ná basa baye yɛ ayɛ; yɛkã nahorɛ nakoso bɛnwa yɛte nnakannaka,

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.