Numeri 16:40 - AHYERƐLƐ KRONGRON

⁴⁰ Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 16:40 Iomraidhean Croise

Ɛsra 2:62

Sɔ mmenia nemɔ penane bɛ dumaa wɔ mmusua ngrataa nemɔ anu, nakoso né bɛ dumaa nne nu. Ye sɔ ne ati, bebuli bɛ kyɛ bɛ nwo nde, na bɛyele bɛ befili sɔfolilɛ adwuma ne anu.

Edwein 115:10

Ao Aarɔn awuro ama, ɛ́mɔfa ɛmɔ wora béwura AWURADE nu! Ye yeɛ ɔte ɛmɔ bokafoɛ ne ɛmɔ akokyɛm ɔ.

Hesekiel 40:46

na pumbu bɔ ye nye kyire sorɔ dɔ ne, asɔfo mɔ bɔ bɛyɔ afɔleɛ bokyea ne aso adwuma ne, ɔte bɛ deɛ. Bɛ ole Sadoke boso ama, bɔ bɛte Lewi boso ama, bɔ bɛ yeɛ bepingye AWURADE bɛsɔne ye ne.

Hesekiel 43:19

Lewifoɛ bɔ bɛte asɔfo bɔ bɛte Sadoke bosofoɛ ne, bɔ yeɛ bepingye me bɛbaso me ne, fa nandwie nyii akrɔngrɔma ko ma bɛ ma bɛbɔ bɔne nwo afɔleɛ, AWURADE Nyameɛ noa dwirɛ ɛne.

Lewitikɔso 22:10

“Ebiala bɔ ɔbboka asɔfo abusua kure ne aso ne, nnɛmaa odi akyɛdeɛ krongron ne bie. Ɛwɔfoɛ bɔ waasikye ɔsɔfo, anaa sona biala bɔ ɔsɔfo bie abɔ ye paa ne, ɔnzɛ kyɛ odi akyɛdeɛ krongron ne bie.

Numeri 1:51

Sɛ mmerɛ dwu kyɛ ɛmɔtutu nyianu sua ne bɛkɔ a, odi kyɛ Lewifoɛ nemɔ yeɛ betutu ɔ. Na odwu ye silɛ so a, odi kyɛ Lewifoɛ mɔ besa bɛnea bɛhyehyɛ. Na sɛ ebiala bɔ nna Lewiniɛ ahɔ ɔ opingye ɛtena sua ne a, odi kyɛ beku ye.

Numeri 16:39

Yiti mmenia bɔ bɛyerale nemɔ bɛ kɔɔbere kulie mɔ bɔ bɛfa bɛwale ne, ɔsɔfo Eleasa fale, na bɛborole bɛ taataa bɛfa bɛyɛle afɔleɛ bokyea ne ngatasoɛ.

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Numeri 3:38

Na bɛ bɔ odi kyɛ bɛkyekye b’asikyeleɛ wɔ nyianu sua ne nyunu, wɔ ye eyia afiteleɛ so yeɛ ole Mose ne Aarɔn ne Aarɔn mma mmienzua nemɔ. Nekaa krongron berɛ sɔnenɛ adwuma biala bɔ odi kyɛ bɛyɔ bɛma Yisraelfoɛ ne, bɛ yeɛ owura bɛ sa ɔ. Sɛ ebie mbaen pingye nekaa krongron ne a, odi kyɛ beku ye.

Hebrifoɛ 5:4

Ebiala ngora mva sɔ dibea ne ndo ye nwo so, na mmom sana Nyameɛ afrɛ ye kyɛbɔ ɔfrɛle Aarɔn nen.

Yosua 4:7

ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.