Numeri 16:38 - AHYERƐLƐ KRONGRON

³⁸ Amumuyɛɛfoɛ hemɔ bɛ see kulie nemɔ ayɛ krongron, ofikyɛ bafa bɛ ngoa bapɛ so. Yiti maa bɛboro bɛ ma bɛyɛ taataa ná bɛ́fa bɛ́yɛ afɔleɛ bokyea ne ngatasoɛ, ofikyɛ bafa bawa AWURADE nyunu maa bayɛ krongron. Na ngatasoɛ nemɔ kɔyɛ sɛngyerɛnneɛ kɔma Yisraelfoɛ.

Numeri 16:38 Iomraidhean Croise

1 Ahemvo 2:23

Yeɛ Nana Solomon fale AWURADE tale ndaen kyɛ, “Sɔ nikyee he bɔ Adoniya abisa ye, sɛ wamva ye ngoa wambɛ so a, ye de Nyameɛ otua me so kerɛ piri paa!

Anyandera 1:18

Nakoso sɔ mmenia nemɔ bɛtetɛ bedi bɛ bɔbɔ bɛ nwo awue, na bɛtetɛ bekuku bɛ nwo.

Anyandera 20:2

Sɛ ɛhene fɛ yaa hahii a, ɔte kyɛ gyata bɔ opo ɔ, ebiala bɔ okohu ye ahone ne, ɔfa ye ngoa pɛ so.

Anyandera 8:36

nakoso bɔ ɔkɔyɔ bɔne kotia me ne de, ɔyɛ ye bɔbɔ ye kra aborɛ, ebiala bɔ ɔpɔ me ne, né ewue yeɛ okuro ɔ.”

Yeremia 44:7

Na afei, AWURADE Asafo Nyameɛ, Yisrael Nyameɛ bisa kyɛ: Nzu ati yeɛ ɛmɔyɔ bɔne piri he betia ɛmɔ kra, bɔ ɛmɔnua mmienzua ne mmrasua bɛ boso, yeɛ nnɔma ne ngwadaa bɛ boso befi Yuda, bɔ ɛmɔ nu ko po wanga ye?

Hesekiel 14:8

Ngotu me nye ngosie sɔ sona ne aso, ngɔfa ye ngɔkakyi sɛngyerɛnneɛ ne ngorohoɛ dwirɛ, ngotu ye ngofi me maen nu, ná ɛmɔanwu kyɛ me ole AWURADE.

Habakuku 2:10

Ɛnate mmenia pee bɔ ahũhũ bɛ ne aso ahwehwe animguaseɛ abrɛ w’awuro, ayɔ bɔne atia wɔ kra.

Numeri 16:37

“Ka kyire ɔsɔfo Aarɔn awa Eleasa kyɛ ɔyeye see kulie nemɔ ofi see bɔ ogye ne anu; ná to see ne pete dededede.

Numeri 16:39

Yiti mmenia bɔ bɛyerale nemɔ bɛ kɔɔbere kulie mɔ bɔ bɛfa bɛwale ne, ɔsɔfo Eleasa fale, na bɛborole bɛ taataa bɛfa bɛyɛle afɔleɛ bokyea ne ngatasoɛ.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 17:10

Na AWURADE sele Mose kyɛ, “Sá fa Aarɔn pɔmaa ne baato Adanzeɛ ne nyunu, maa ɔbɔ ɛlɔenyɛlɛfoɛ nemɔ kɔkɔ, bɔ ɔnate so ɛkɔma bɛ komvi bɔ bɛpenepene begua me so ne, ye bo kɔpɛ ɔ, anyɔ sɔ a bekowuwu.”

Numeri 26:10

Aseɛ bukyele ye noa nu, na ɔmemene bɛ ne Kora. Sɔ mmenia ne wuwuli ne, see yerale mmenia ɛyaa nyɔ ne aburannu, na bɛ nwo dwirɛ yɛle kɔkɔbɔlɛ.

1 Korintofoɛ 10:11

Ɛhe amukoraa tole bɛ maa ɔyɛle kɔkɔbɔlɛ, na bɛhyerɛ bɛtole berɛ bɛfa betuli yɛ foɛ, yɛ bɔ wiase ayieleɛ mmerɛ ne wato yɛ ne.

2 Petro 2:6

ná sɛ obuale Sodom ne Gomora nguro foɛ ɔbɔle bɛ tɔɔ, ɔsɛkyele bɛ maa bɛyerale bɛtɔle nzoen, ná ɔfa yɛle nhwɛsoɛ mane bɛ bɔ nziɛ ye bɛkɔbɔ amumuyɛɛ bra a;