Numeri 16:33 - AHYERƐLƐ KRONGRON

³³ Yiti bɛ ne bɛ nwo ama amukoraa bɛhɔle ɛborɔ dɔ bɔ né bɛ nye gua so ɔ. Aseɛ ne ha tuale katale bɛ so, na bɛ boso nuane fili maen ne anu.

Numeri 16:33 Iomraidhean Croise

Edwein 141:7

Kyɛbɔ bebubu nyɔbotaen nu bɛto bɛpete aseɛnwo ne, sɔ ala yeɛ bapete yɛ mmowue bagua ɛborɔ kumaa noa ɔ.

Edwein 143:7

Ao AWURADE, yɛ ndɛ bua me; me sunzum wora abɔ. Nnɛye wɔ nye fea me; ɔba ye sɔ a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 55:15

Ma ewue ɔte pe bɛ so; maa bɛhɔ ɛborɔ anyekaenn so, ofikyɛ bɔne wɔ b’awuro ne b’afia.

Edwein 55:16

Na me de, mesu mefrɛ Nyameɛ, na AWURADE kɔpepɛ kole me.

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Edwein 69:15

Nnɛma nzueyilɛ ne obungam fa me so, nnɛma buma ne ɔme me, yeɛ nnɛma ɛborɔ kumaa ne noa ɔkã tua sie me.

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Yesaya 14:15

Nakoso bagyi wɔ bato ɛborɔ, ɛborɔ kumaa kuronguronn ne abo paa.

Yesaya 14:9

Ɛborɔ bɔ ɔwɔ aseɛ bo dɔ ne, waboaboa ye nwo kyɛ ɛba a ɔbaayia wɔ. Wakanyane awufoɛ bɔ né mmerɛ bie bɛte aseɛ so mbanyi amukoraa. Wama bɛ bɔ né bɛte maen maen ahemvo amukoraa badwɔso bafi b’ahennie bia so kyɛ bɛɛyɛ wɔ akwaaba.

Yesaya 38:18

Ɔnate kyɛ ɛborɔ ngɔhora ngɔla wɔ ase, ewue ngɔhora ngɔye wɔ ayɛ, bɛ bɔ bahɔ ewue kumaa nu ne, bɛngɔhora bengonya wɔ nahorɛlilɛ ne nwo anyelasoɛ.

Hesekiel 31:14

Mayɔ sɔ, amaa ɔnate so asue noa mmakaa nu biala wamva ye tendenn wanhoahoa ye nwo, anaakyɛ wamma ye ti anwuro wangɔanga munungum ne anu dɔ. Na bakaa biala bɔ onya nzue ne, ongonyi ngɔhɔ anwuro sɔ; ofikyɛ ewue la berɛ ɔnwondɛ bɛ mukoraa, bɛkɔhɔ aseɛ bo dɔ bɛkɔɔboka adasa mmaa so, bɛ ne bɛ bɔ bɛkɔ ɛborɔ kumaa nu ne.

Hesekiel 32:18

“Sona awa, bɔ Misraim lɔen worawora ne ti so awuye, na bɛ ne maen maen atitire mɔ bɛ mma mmrasua nemɔ, gyi bɛ gua aseɛ bo dɔ maa bɛɛboka mmenia bɔ bahɔ ɛborɔ kumaa nu dɔ ne aso.

Hesekiel 32:30

“Berɛ yeɛ sorɔ dɔ atitirefoɛ amukoraa bɛwɔ ɔ, yeɛ Sidoniafoɛ amukoraa. Bɛ ne mmenia bɔ bahũ bɛ ɔ yeɛ bahɔ aseɛ bo dɔ ɔ. B’anwoserɛ bɔ bɛfa benwunanwunane mmenia ne asi ne po, animguaseɛ ahã bɛ. Bɛte bɛmbɛ-bɛ-bienzuafoɛ, bɛ ne bɛ bɔ batotɔ ngrandɛ noa yeɛ bɛlela berɛ ɔ, na bɛ ne bɛ bɔ bahɔ ɛborɔ kumaa nu yeɛ bɛso b’animguaseɛ ɔ.

Numeri 16:32

Aseɛ bukyele ye noa nu, na ɔmemene bɛ ne bɛ nwo ama: ebiala bɔ né ɔte Kora nwoniɛ, ɔne nikyee biala bɔ ɔte b’agyapadeɛ ɔ.

Numeri 16:34

Ɔnate kyɛ Kora mɔ né bɛbɔ awuye ne ati, Yisraelfoɛ amukoraa bɔ né bapɛ bayia berɛ ne, bɛnwatili, na bɛhane kyɛ, “Aseɛ ne kɔme yɛ koso!”

Numeri 22:33

Afunum ne nwuni me, na ɔmakyele fili me nyunu pɛen nza. Sɛ wammakye wamvi me nyunu a, amba, ahaa mahu wɔ dadaada, maa ye de wanya ye ti wadidi nu.”

Numeri 26:11

Nakoso Kora mma mɔ de, banwuwu bie.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.