Numeri 16:30 - AHYERƐLƐ KRONGRON

³⁰ Nakoso sɛ AWURADE yɔ anwanwadeɛ bie, ná aseɛ bukye ye noa nu meme bɛ ne bɛ nwo ama amukoraa ɔne bɛ nwo nningyein amukoraa, wɔ aberɛ bɔ bɛ nye gua so maa bɛkɔ ɛborɔ a, ye de ɛmɔkonwu kyɛ mmenia hemɔ abu AWURADE animtia.”

Numeri 16:30 Iomraidhean Croise

YOB NWOMAA NE 31:2

Kyɛfa beni yeɛ ngonya ye ngofi Anwuro Anwuro Nyameɛ berɛ ɔ? Nzikyɛ agyapadeɛ yeɛ ngonya ye ngofi Tuminiɛ bɔ ɔwɔ anwuro ne berɛ ɔ?

YOB NWOMAA NE 31:3

Mmenia bɔ bɛndengyɛ ne, aso nna bɛ yeɛ edwirɛ to bɛ ɔ, aso nna amumuyɛɛfoɛ yeɛ asane to bɛ ɔ?

Edwein 124:3

mmerɛ bɔ b’ahone huli yɛ so paa ne, ahaa bɛmemene yɛ anyekaenn so;

Edwein 55:15

Ma ewue ɔte pe bɛ so; maa bɛhɔ ɛborɔ anyekaenn so, ofikyɛ bɔne wɔ b’awuro ne b’afia.

Yesaya 28:21

Ofikyɛ AWURADE kodwɔso kyɛbɔ ɔyɔle ye wɔ Perasim bokaa ne aso ne, ye ahone kohu kyɛbɔ ɔyɔle ye wɔ Gibeon bɔnza ne anu ne, amaa ɔnate so wahyire ye tumi, ye anwanwadeɛ tumi ne, ná wayɔ ye adwuma, ye anwanwadeɛ adwuma ne!

Yesaya 43:19

Ɛ́mɔnea, mebaayɔ nikyee foforɛ bie, kyɛ ɔ́ba ɔ, aso ɛmɔnnwu ye? Ngɔpakye atee ngɔto ɛserɛ so, ná mama asue mɔ balela aseɛ pralaa so.

Yesaya 45:12

Me yeɛ mmɔle aseɛ ɔ, yeɛ mmɔle sona ndole so ɔ; me bɔbɔ me sa yeɛ ɔtrɛtrɛle ewienu nu ɔ, na mvale ahyɛdeɛ mane b’asafo amukoraa.

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yeremia 31:22

Ao baa brasua bɔ ayɛ lɔen ɔ, w’adwene kɔyɛ wɔ ndaa ndaa maa okoodwu kyinzu? Ofikyɛ AWURADE abɔ nikyee foforɛ wɔ aseɛ so. Brasua kɔbɔ bienzua nwo waen.”

Hesekiel 31:14

Mayɔ sɔ, amaa ɔnate so asue noa mmakaa nu biala wamva ye tendenn wanhoahoa ye nwo, anaakyɛ wamma ye ti anwuro wangɔanga munungum ne anu dɔ. Na bakaa biala bɔ onya nzue ne, ongonyi ngɔhɔ anwuro sɔ; ofikyɛ ewue la berɛ ɔnwondɛ bɛ mukoraa, bɛkɔhɔ aseɛ bo dɔ bɛkɔɔboka adasa mmaa so, bɛ ne bɛ bɔ bɛkɔ ɛborɔ kumaa nu ne.

Numeri 16:31

Mose noa pene pɛ, aseɛ bɔ sɔ mmenia nemɔ gyigyi so ne anu dwale.

Numeri 16:33

Yiti bɛ ne bɛ nwo ama amukoraa bɛhɔle ɛborɔ dɔ bɔ né bɛ nye gua so ɔ. Aseɛ ne ha tuale katale bɛ so, na bɛ boso nuane fili maen ne anu.