Numeri 16:26 - AHYERƐLƐ KRONGRON

²⁶ Mose sele maen ne kyɛ, “Ɛmɔhwe ɛmɔ nwo befi amumuyɛɛfoɛ hemɔ b’ɛtena sua nemɔ anwo. Nnɛmɔma ɛmɔ nwo ka bɛ nikye fee; anyɔ a, ɔnate bɛ bɔne amukoraa ti AWURADE konua ɛmɔ aboso.”

Numeri 16:26 Iomraidhean Croise

Gyenesise 19:17

Na bɛfale bɛ befili kuro ne aso nen, besele kyɛ, “Nwati pena wɔ ti ngoa! Nnɛnea wɔ si, yeɛ nnɛgyina aseɛ frɛtɛɛ ye aso nekaa biala! Nwati kɔ mmokaa ne anu dɔ, kyɛbɔ ɔkɔyɛ na anyera ɔ!”

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Yeremia 51:6

“Ɛ́mɔnwati béfi Babilɔn, ɛ́mɔma ebiala ɔpepɛ ole ye kra; nnɛmɔmaa ɔnate ye amumuyɛɛ ti ɛmɔ boso nua, ofikyɛ AWURADE ye wereɛtɔlɛ mmerɛ ne ɛhe, na okotua ye so kerɛ.

Numeri 16:25

Yiti Mose dwɔsole hɔle Datan ne Abiram berɛ. Na Yisrael mbanyi lili ye si.

Mateo 10:14

Na sɛ ebiala ngole ɛmɔ anaa ongotie ɛmɔ dwirɛ a, ye de sɛ ɛmɔfi awuro anaa kuro ne aso bɛ́kɔ a, ɛ́mɔporoporo ɛmɔ gya bo mvuture bégua berɛ.

Asomafoɛ 13:51

Na asomafoɛ nyɔ ne poroporole bɛ gya kunu mvuture beguale berɛ betiale bɛ, na besili nu bɛhɔle Yikoniom.

Asomafoɛ 8:20

Na Petro buale ye kyɛ, “Abue bu wɔ ne wɔ sikaa ne, ofikyɛ ɛdwene kyɛ ɛkɔhora kɔfa sikaa kɔtɔ Nyameɛ akyɛdeɛ ne!

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!

Nyekyire 18:4

Na nza ndele komviɛ foforɛ mvili nyameɛso kyɛ, “Me mmenia, ɛ́mɔfi ye nu béfite, ná ɛmɔanyɔ ye bɔne yɔleɛ ne bie, ná ye hawo ne bie amma ɛmɔ so.