Numeri 16:22 - AHYERƐLƐ KRONGRON

²² Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Numeri 16:22 Iomraidhean Croise

Gyenesise 18:32

Afei ɔhane kyɛ, “Mesrɛ wɔ, AWURADE, nnɛfɛ yaa. Maa nga edwirɛ komapɛ twe he ala: Na sɛ enya mmenia buru berɛ ɛ?” Na obuale kyɛ, “Ɔnate buru ne ati mengɔsɛkye ye.”

2 Samuel 24:1

AWURADE ahone huli Yisrael so bieku paa, na ɔmane Dawide yɔle nikyee tiale bɛ. Osele ye kyɛ, “Kɔha Yisraelfoɛ ne Yudafoɛ.”

2 Samuel 24:17

Na Dawide nwuni abɔfo bɔ ogu so oku mmenia nemɔ nen, osele AWURADE kyɛ, “Bɔne ne, me ngome yeɛ mayɔ ɔ, mvomsoɛ ne, me ngome yeɛ mayɔ ɔ. Na mmenia hemɔ bɔ menea bɛ so ye de, nzikyɛ yeɛ bayɔ ɔ? Mesrɛ wɔ ala, ma w’ahonehulɛ ne ɔbra me ne me baba abusuafoɛ so.”

YOB NWOMAA NE 12:10

Abɔdeɛ biala bɔ ole ngoa ne, ye sa nu yeɛ ye ngoa wura ɔ, yeɛ ye sa nu yeɛ sona biala ye nwomeɛ wura ɔ.

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Nworɛ Dwirɛhanɛniɛ 12:7

koraka né nnɛterɛ asa ahɔ nnɛterɛ nu kyɛbɔ né ɔte daa ne ala, koraka né nwomeɛ wasa wahɔ Nyameɛ bɔ ɔfa mane ne berɛ.

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yeremia 32:27

“Tie, me ole AWURADE, anwoɔnaen amukoraa Nyameɛ; aso nikyee bie yɔlɛ yɛ se ma me anaa?

Yeremia 38:16

Yeɛ Nana Sedekia feale ye nwo tale ndaen hyirele Yeremia kyɛ, “Kyɛ AWURADE bɔ ɔbɔle yɛ kra ɔte ase ye, mengohu wɔ, yeɛ mengɔfa wɔ mengowura bɛ bɔ bɛpena wɔ beku wɔ nemɔ bɛ sa.”

Hesekiel 18:4

Ɛ́mɔtie, mmenia mukoraa bɛ kra te me deɛ. Na kyɛbɔ baba kra te me deɛ ne, sɔ ala yeɛ baa kra koso ɔte me deɛ ɔ: ɛkra bɔ ɔyɔ bɔne ne, ye yeɛ okowu ɔ.

Lewitikɔso 10:6

Na Mose sele Aarɔn, ɔne Aarɔn mma mmienzua Eleasa ne Yitama kyɛ, “Nnɛmɔma ɛmɔ ti nwiaa fu gua ye nwo fusaa, yeɛ nnɛma ɛmɔsunzua ɛmɔ ndaadeɛ nu. Sɛ ɔba ye sɔ a, ɛmɔkowu, na AWURADE ɛyaafɛlɛ piri kɔwa maen ne amukoraa so. Nakoso ɛmɔ aliɛma mɔ, Yisrael awuro ama mukoraa de, bɛkɔhora bekosu bɛ bɔ AWURADE afa see wayera bɛ ne.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Numeri 14:5

Yeɛ Mose ne Aarɔn fale bɛ nyunu bebutubutuli ase wɔ Yisrael maen amukoraa bɔ babɔ dwaa ne nyunu.

Numeri 16:23

Na AWURADE sele Mose kyɛ,

Numeri 16:4

Mose tele ɛhe ne, ɔfale ye nyunu butuli ase.

Numeri 16:45

“Ɛmɔhwe ɛmɔ nwo befi sɔ lɔen he anwo maa nua bɛ boso kekesaala ye.” Na Mose ne Aarɔn fale bɛ nyunu bebutubutuli ase.

Numeri 27:16

“AWURADE bɔ ɛte anwoɔnaen amukoraati, bɛ sunzum Nyameɛ ne, ye sona maa otua maen ye anoa,

Romanfoɛ 5:18

Yiti kyɛbɔ sona ko bɔne fale foɛbualɛ brɛle mmenia mukoraa nen, sɔ ala yeɛ sona ko tenenee fale bebualɛ ne ngoa brɛle mmenia mukoraa ɔ.

1 Korintofoɛ 13:7

Ɔdɔ abasanu mmu, ode nningyein mukoraa di, ole nningyein mukoraa nu anyelasoɛ, na ole nningyein mukoraa nu animia.

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?

Yosua 22:18

Afei de, ɛmɔayakyi AWURADE si lilɛ! Sɛ ɛmɔtwi bɛfa AWURADE dwirɛ so ɛnɛ a, ɛhema ɔkɔfɛ Yisrael mmenia mukoraa so yaa.