Numeri 16:2 - AHYERƐLƐ KRONGRON

² Yisraelfoɛ mmienzua ɛyaa nyɔ ne aburannu, bɔ bɛte maen mbanyi, bɔ bapa nu baye bɛ, bɔ bɛte atitirefoɛ ɔ, na bɛhɔle Mose so.

Numeri 16:2 Iomraidhean Croise

Gyenesise 6:4

Na sɔ mmerɛ ne anu, yeɛ ye si ye po, né Nefilifoɛ wɔ aseɛ so. Na ɔwale kyɛ Nyameɛ mma nemɔ bɛɛfale mmenia mma mmrasua nemɔ, na bɛ ne bɛ wowole mmaa. Na sɔ mmaa nemɔ ole daa tete anwoserɛfoɛ, mmenia bɔ belele dumaa ne.

1 Aberɛso Dwirɛ 12:30

Efraimfoɛ nemɔ, bɛ nana mɔ sasofoɛ nu, né bele koɛhonɛfoɛ apee aburanyɔ ne ɛyaa mmɔtwɛ.

1 Aberɛso Dwirɛ 5:24

Ɛhemɔ yeɛ né bɛlela bɛ mmusua mmusua nemɔ noa ɔ: Efɛre, Yisi, Eliɛl, Asriɛl, Yeremia, Hodawia ne Yahediɛl. Bɛte koɛhonɛfoɛ ahoneserɛfoɛ bɔ bale dumaa ɔ, na né bɛlela bɛ mmusua mmusua nemɔ noa.

Hesekiel 16:14

Na ɔnate w’anwonyemene ne ati, wɔ dumaa trɛle hɔle maen maen mɔ nu, ofikyɛ animnyam bɔ mva mane wɔ ne, ɔmane w’anwonyemene ne lili mu, AWURADE Nyameɛ noa dwirɛ ɛne.

Hesekiel 23:10

Benwuni ye nwo, bɛhyele ye mma mmienzua ne mmrasua; na ye bɔbɔ de, bɛfale ngrandɛ behuni ye. Na bɛhwene ye so nen, mmrasua fale ye dwirɛ ne gorole ye nwo.

Numeri 1:16

Ɛhemɔ yeɛ bɛyele bɛ befili mmenia ne anu ɔ, mbanyi mɔ bɔ bɛlela b’abusua kure nemɔ noa ɔ: bɛ yeɛ bɛlela Yisrael mmusua mmusua nemɔ noa ɔ.

Numeri 12:1

Mmerɛ bɔ né bɛwɔ Haserote né, Miriam ne Aarɔn dwudwo tiale Mose, ɔnate kyɛ né Mose waagya Kuseniɛ braa bie (né wagya Kuseniɛ braa amba).

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Numeri 26:9

Eliabo mma mɔ ole Nemuel, Datan ne Abiram. Sɔ Datan ne Abiram hemɔ ala yeɛ né bɛte mbanyi wɔ Yisrael, bɔ bɛ ne Kora bedwɔsole betiale Mose ne Aarɔn, ná bɛyɔle AWURADE nwo lɔen ne.

Numeri 27:3

“Yɛ baba wuli wɔ ɛserɛ ne aso. Bɛ bɔ bɛ ne Kora yɛle AWURADE nwo lɔen ne, né ye de ɔbboka bɛ so. Nakoso ɔnate ye bɔbɔ ye bɔne ti, owuli bɔ wanwo baa bienzua biala ɔ.