Numeri 16:19 - AHYERƐLƐ KRONGRON

¹⁹ Yeɛ Kora boaboale maen ne amukoraa noa maa begyinane Mose ne Aarɔn bɛ ndendeneɛ so wɔ ɛtena sua atenaleɛ anoa nu berɛ. Na AWURADE animnyam yele ye nwo ali hyirele maen ne amu.

Numeri 16:19 Iomraidhean Croise

Ɛksadɔso 16:10

Na Aarɔn noa wɔ so bɔ odwudwo kyire Yisrael ɛlɔen nen, bɛtole bɛ nye bɛneane ɛserɛ ne aso dɔ, na mvum nu, AWURADE animnyam yele ye nwo ali wɔ munungum ne anu.

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Lewitikɔso 9:23

Mose ne Aarɔn wurale ɛtena sua atenaleɛ ne anu. Afei befi berɛ befitele beeyirayirale mmenia ne, na AWURADE yele ye animnyam ali hyirele mmenia ne amukoraa.

Lewitikɔso 9:6

Na Mose sele kyɛ, “Nikyee bɔ AWURADE hyɛle ɛmɔ kyɛ ɛmɔyɔ ɛhe, amaa ɔnate so AWURADE aye ye animnyam ali wahyire ɛmɔ.”

Numeri 12:5

AWURADE nate munungum ningɔnn nu dwu wale ase, na oogyinane ɛtena sua ne anoa nu berɛ. Ɔfrɛle Aarɔn ne Miriam, na bɛ munyɔ bɛwale anyunu.

Numeri 14:10

Nakoso maen ne amu yɛle b’adwene kyɛ bɛkɔboro bɛ nyɔboɛ. Yeɛ AWURADE animnyam yele ye nwo ali ɛtena sua atenaleɛ ne anu hyirele Yisraelfoɛ amukoraa.

Numeri 16:18

Yiti ebiala fale ye see kulie, bɛfale see beguale nu, bɛfale ɛyɛɛ beguale so, na bɛ ne Mose ne Aarɔn beegyinane ɛtena sua atenaleɛ anoa nu berɛ.

Numeri 16:20

Na AWURADE sele Mose ne Aarɔn kyɛ,

Numeri 16:42

Na maen ne yɛle bɛ nwo lɔen beyiele nen, Mose ne Aarɔn kakyili bɛ nye behyirele ɛtena sua atenaleɛ ne. Né munungum ne amundu so, na né AWURADE animnyam aye ye nwo ali.

Numeri 20:2

Né mmenia ne nnya nzue wɔ berɛ, yiti bɛyɛle Mose ne Aarɔn nwo lɔen.

Numeri 20:6

Yeɛ Mose ne Aarɔn fili mmenia ne anu bɛhɔle ɛtena sua atenaleɛ anoa nu berɛ. Bɛfale bɛ nyunu bebutubutuli ase, na AWURADE animnyam yele ye nwo ali hyirele bɛ.