Numeri 16:16 - AHYERƐLƐ KRONGRON

¹⁶ Afei Mose sele Kora kyɛ, “Ɛne wɔ lɔen ne amukoraa, ɛhema ɛmɔɔgyina AWURADE nyunu, ɛne bɛ ne Aarɔn;

Numeri 16:16 Iomraidhean Croise

Ɛksadɔso 16:9

Na Mose sele Aarɔn kyɛ, “Ka kyire Yisrael ɛlɔen ne amukoraa kyɛ, ‘Ɛmɔhwe bepingye AWURADE, ofikyɛ wate kyɛ ɛmɔpenepene bɛ komvi.’ ”

Numeri 12:4

Mvum nu, AWURADE sele Mose, Aarɔn ɔne Miriam kyɛ, “Ɛmɔ amɛsa, ɛmɔbra ɛtena sua atenaleɛ ne anu.” Yiti bɛ mmɛsa befite bɛwale.

Numeri 16:15

Mose fɛle yaa paa, na osele AWURADE kyɛ, “Nnɛde b’afɔleɛ ne to nu. Nnnele afunum ko po mmvili bɛ berɛ, yeɛ nnyɔle bɛ nu biala tɛɛ.”

Numeri 16:17

ná ma ɛmɔ nu biala ɔ́fa ye see kulie ne, ɔ́fa ɛyɛɛ ogua so, ná ɛmɔ nu biala ɔ́fa ye see kulie ne ɔ́bra AWURADE nyunu: see kulie ne amu te ɛyaa nyɔ ne aburannu. Wɔ koso, ɛne Aarɔn ebiala ɔ́fa ye see kulie deɛ.”

2 Timoteo 2:14

Kaye bɛ wɔ nningyein hemɔ nwo, ná bɔ bɛ kɔkɔ wɔ Awurade nyunu, kyɛ nnɛmaa besu edwirɛ mɔ nwo aporowaa bɔ mvasoɛ biala nne so ɔ, ofikyɛ ɔsopa bɛ bɔ betie ne.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 12:7

Yiti ɛmɔɔgyina wa, maa mmɔ ɛmɔ kwaadu wɔ AWURADE nyunu, wɔ paayɛlɛ mukoraa bɔ AWURADE ayɔ ama ɛmɔ ɔne ɛmɔ nana mɔ ne anwo.