Numeri 16:11 - AHYERƐLƐ KRONGRON

¹¹ Yiti ɛne wɔ mmenia bɔ bɛboka wɔ so ne amukoraa, ɛmɔayɔ AWURADE nwo lɔen. Aarɔn ole nwa bɔ ɛmɔpenepene bɛ komvi begua ye so ye?”

Numeri 16:11 Iomraidhean Croise

1 Aberɛso Dwirɛ 26:19

Korafoɛ ne Merarifoɛ boso ama nemɔ, bɛ nu pambim awɛmvoɛ kure kure nemɔ ɛne.

Edwein 106:16

Bɛ nye borole Mose wɔ asikyeleɛ ne anu, ɔne AWURADE krongronniɛ Aarɔn koso.

Ɛksadɔso 17:2

Yiti ɛlɔen ne ne Mose nyane dwudwolɛ, na besele kyɛ, “Ma yɛ nzue ma yɛno.” Na Mose buale bɛ kyɛ, “Nzu ati yeɛ ɛmɔbɔ me somoɛ ɔ? Nzu ati yeɛ ɛmɔso AWURADE bɛnea ɔ?”

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 16:12

Mose somane maa bɛɛfrɛle Eliabo mma Datan ne Abiram; nakoso besele kyɛ, “Yɛngɔwa!

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Yohane 13:20

Nahorɛ nu paa, mekã mekyire ɛmɔ kyɛ, ebiala bɔ ode sona bɔ mesoma ye nen, ode me; na ebiala bɔ ode me nen, ode bɔ ɔsomane me ne.”

Asomafoɛ 5:4

Mmerɛ bɔ né ennya ɛttɔnene ye nen, aso né ɔtte wɔ deɛ? Na ɛtɔnene ye yiele ne koso, esikaa ne aso ɔtte wɔ deɛ? Na ɔwale ye sɛ bɔ afa sɔ adwene he ɔ? Nna kuro sona, na Nyameɛ mmom yeɛ ali ye ndurum ɔ.”

Romanfoɛ 13:2

Yiti ebiala bɔ odwɔso tia maen mbanyi nen, né wadwɔso watia bɔ Nyameɛ ahyehyɛ wato berɛ ne; na ebiala bɔ ɔyɔ sɔ nen, okonya ye nwo foɛbualɛ.

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

1 Korintofoɛ 3:5

Pɔɔlo te nzu? Apolo te nzu? Yɛte Nyameɛ ngoaa bɔ ɛmɔnate yɛ so bele belili ɔ, na yɛ nu ko biala le adwuma kyɛbɔ Awurade afa awura ye sa ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

1 Samuel 8:7

na AWURADE buale Samuel kyɛ, “Edwirɛ biala bɔ maen ne fa to wɔ nyunu ne, de to nu, ofikyɛ nna wɔ yeɛ bapo wɔ ɔ, na mmom me yeɛ bapo me kyɛ nnde bɛ so hene ko ɔ.