Numeri 16:10 - AHYERƐLƐ KRONGRON

¹⁰ Wama wɔ ne eliɛma mɔ Lewifoɛ amukoraa ate ama ɛmɔawa ye nyunu; nakoso afei de ɛmɔpere asɔfo adwuma ne bɛboka so!

Numeri 16:10 Iomraidhean Croise

Anyandera 13:10

Anwomasoɛ ne basabasayɔlɛ yeɛ bɛnate ɔ, nakoso bɛ bɔ betie foɛtulɛ ne de, nworɛ ne bɛ yeɛ bɛnate ɔ.

Numeri 18:1

AWURADE sele Aarɔn kyɛ, “Nekaa krongron ne anu ɛsɔnenɛ ne, bɔne biala ba ye nwo a, ɛne wɔ mma mɔ ne wɔ nana mɔ sasofoɛ yeɛ odi kyɛ ɛmɔnea bedi ye nwo dwumaa ɔ, yeɛ asɔfo adwuma ne koso, bɔne biala ba ye nwo a, ɛne wɔ mma mɔ ngome yeɛ odi kyɛ ɛmɔnea bedi ye nwo dwumaa ɔ.

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 3:10

Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Numeri 3:6

“Ma Lewi abusua kure ne bɛbra, ná maa bɛɛyɛ Aarɔn somvoɛ bɛboka ye wɔ ɔsɔfo adwumayɔlɛ ne anu.

Luka 22:24

Na edwudwolɛ bie wale b’afia kyɛ, bɛ nu nwa yeɛ odi kyɛ bebu ye kyɛ ɔte titire paa ɔ.

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

3 Yohane 1:9

Mahyerɛ krataa maama asɔre ne, nakoso Diotrefe bɔ okuro kyɛ ɔyɛ ye nwo panyi tra ebiala ne, onne yɛ ndo nu.

Maenbulɛfoɛ 17:12

Yiti Mika hyɛle Lewiniɛ aberandeɛ ne sɔfo maa ɔɔyɛle ye sɔfo. Né ɔte Mika awuro berɛ.