Numeri 15:9 - AHYERƐLƐ KRONGRON

⁹ ye de fa ɛhemɔ boka nandwie nyii ne aso: aburoo afɔleɛ bɔ ɔte esam paa olonka nza bɔ bafa ngoo towaa nza ne bue bafra ɔ,

Numeri 15:9 Iomraidhean Croise

1 Aberɛso Dwirɛ 21:23

Yeɛ Ɔnan buale Dawide kyɛ, “Nana, me mene, fa aseɛ ne, ná yɔ bɔ ekuro biala wɔ so. Nandwie mɔ bɔ ɛkɔfa kɔbɔ naen yeralɛ afɔleɛ ɛhe, ndaboa bɔ bɛboro so aburoo bɔ ɛkɔfa kɔsɔ see ɛhe, yeɛ aburoo bɔ ɛkɔfa kɔbɔ aburoo afɔleɛ ɛhe. Mefa ye mukoraa mema wɔ.”

Nehemia 10:33

paanoo krongron, daa daa aburoo afɔleɛ, daa daa naen yeralɛ afɔleɛ, afofingyẽa mɔ, ɛsraen foforɛ aluolue, aluolue bɔ bahyehyɛ bato berɛ nemɔ, akyɛdeɛ krongron ne, bɔnefakyɛ afɔleɛ bɔ bɛfa bɛyɛ mbata bɛma Yisrael ne, yeɛ yɛ Nyameɛ awuro ɛsɔnenɛ adwuma ne amukoraa.

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Hesekiel 46:11

“Na aluolue nemɔ ne nyianu ngyẽa nemɔ anu, aleɛ afɔleɛ ne kɔyɛ aleɛ graa ko ne nandwie nyii ko, aleɛ graa ko ne boaen nyii ko, na mmoaen akrɔngrɔma nemɔ nwo de, kyɛbɔ ye sa kɔsõ so ɔ, ɔne graa ko biala ye nwo ngoo galɔn ko.

Hesekiel 46:15

Odi kyɛ bɛfa boaen akrɔngrɔma ne, aleɛ afɔleɛ ne ne ngoo ne bɛba ngyerɛmɔ biala, maa ɔyɛ daa biala naen yeralɛ afɔleɛ.

Hesekiel 46:5

Aleɛ afɔleɛ bɔ ɔfa boka boaen nyii ne aso ne, odi kyɛ ɔyɛ graa ko; yeɛ aleɛ afɔleɛ bɔ ɔfa boka mmoaen akrɔngrɔma nemɔ aso ne koso, ɔkɔyɛ bɔ ye sa kɔsõ so ɔ, ɔne graa ko biala ye nwo ngoo galɔn ko.

Hesekiel 46:7

Odi kyɛ ɔbɔ nandwie nyii ne nwo aleɛ afɔleɛ graa ko, boaen ne nwo aleɛ afɔleɛ graa ko, yeɛ mmoaen akrɔngrɔma nemɔ de, kyɛbɔ ye sa kɔsõ so ɔ, ɔne graa ko biala ye nwo ngoo galɔn ko.

Yoel 1:9

Bayakyi aleɛ afɔleɛ ne anonneɛ afɔleɛ bɔlɛ wɔ AWURADE awuro. Asɔfo bɔ bɛ yeɛ bɛte AWURADE somvoɛ mɔ ne, bedi aworabɔlɛ.

Yoel 2:14

Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 6:14

“Aburoo afɔleɛ ne nwo nhyehyɛleɛ ɛhe: Odi kyɛ Aarɔn boso ama nemɔ bɛbɔ ye wɔ AWURADE nyunu wɔ afɔleɛ bokyea ne anyunu.

Lewitikɔso 7:37

Naen yeralɛ afɔleɛ, aburoo afɔleɛ, bɔne nwo afɔleɛ, foɛlilɛ afɔleɛ, sɔfohyɛlɛ afɔleɛ, ɔne asomdwee afɔleɛ anwo nhyehyɛleɛ ɛhe;

Numeri 15:10

na fa bobe nzaa towaa nza ne bue bɔ anonneɛ afɔleɛ wɔ see so, bɔ ɔbo AWURADE fona ɔ.

Numeri 15:8

Sɛ ɛfa nandwie nyii bɔ naen yeralɛ afɔleɛ anaa afɔleɛ biala a, kyɛ ɛfa tua aboadeɛ oo, anaakyɛ ɛfa bɔ asomdwee afɔleɛ ma AWURADE oo,

Numeri 28:12

Afei odi kyɛ ɛmɔfa esam paa olonka nza bɔ bafa ngoo bafra ye ɔ bɛbɔ aburoo afɔleɛ bɛboka nandwie nyii ko biala so. Asa koso, esam paa olonka nyɔ bɔ bafa ngoo bafra ye ne, ɛ́mɔfa bɛbɔ aburoo afɔleɛ bɛboka boaen nyii ko ne aso.

Numeri 28:14

B’anonneɛ afɔleɛ nemɔ, odi kyɛ bɛfa bobe nzaa towaa nza ne bue bɛboka nandwie nyii ko biala so, ná bɛfa bobe nzaa towaa nyɔ bɛboka boaen nyii ko biala so, ná bɛfa bobe nzaa towaa ko ne bue bɛboka boaen akrɔngrɔma ko biala so. Ɛhe te bosome bosome naen yeralɛ afɔleɛ bɔ bɛbɔ ye afoɛ biala nu ɔ.

Numeri 29:6

Naen yeralɛ afɔleɛ bɔ ɛsraen fi a bɛbɔ ne, ɔne ye nwo aburoo afɔleɛ ne, yeɛ daa biala naen yeralɛ afɔleɛ ne ɔne ye nwo aburoo afɔleɛ ne, yeɛ bɛ nwo anonneɛ afɔleɛ nemɔ, odi kyɛ ɛmɔfa sɔ afɔleɛ nemɔ bɛboka so, kyɛbɔ bɛ nwo nhyehyɛleɛ te ɔ. Ɔte afɔleɛ bɔ bɛbɔ ye see so bɛma AWURADE bɔ ɔbo ye fona ɔ.

1 Samuel 1:24

Ɔpɛle akwadaa ne nyɔfone nen, ɔne ye bɛhɔle AWURADE awuro wɔ Silo, ɔwɔ nu kyɛ né akwadaa ne onnyini. Ɔfale ɛhemɔ koso bokale so: nandwie nyii bɔ wali afoɛ nza ɔ, esam graa ko, yeɛ bobe nzaa kɔndoa ko.