Numeri 15:8 - AHYERƐLƐ KRONGRON

⁸ Sɛ ɛfa nandwie nyii bɔ naen yeralɛ afɔleɛ anaa afɔleɛ biala a, kyɛ ɛfa tua aboadeɛ oo, anaakyɛ ɛfa bɔ asomdwee afɔleɛ ma AWURADE oo,

Numeri 15:8 Iomraidhean Croise

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 22:21

Sɛ ebie bɔ asomdwee afɔleɛ ma AWURADE a, kyɛ aboadeɛ yeɛ otua oo, anaa ɔte akyɛdeɛ afɔleɛ oo, kyɛ ofi nandwie kure nu anaa mmoaen kure nu oo, odi kyɛ odi mu koraka né wasɔ Nyameɛ nye; onni kyɛ ɔyɛ bɔ wali nnɛen biala ɔ.

Lewitikɔso 3:1

“Sɛ ebie afɔleɛ te asomdwee afɔleɛ a, sɛ ɔfa nandwie nyii anaa beleɛ bɔ ofi nandwie kure ne anu a, odi kyɛ ɔfa bɔ ollili nnɛen ɔ ɔbɔ afɔleɛ ne wɔ AWURADE nyunu.

Lewitikɔso 3:5

Na odi kyɛ Aarɔn mma mmienzua nemɔ, bɛfa begua naen yeralɛ afɔleɛ bɔ ogua see so wɔ afɔleɛ bokyea so ne aso, ná bɛyera ye; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Numeri 15:7

ná fa bobe nzaa towaa nyɔ bɔ anonneɛ afɔleɛ bɔ ɔbo AWURADE fona ɔ.

Numeri 15:9

ye de fa ɛhemɔ boka nandwie nyii ne aso: aburoo afɔleɛ bɔ ɔte esam paa olonka nza bɔ bafa ngoo towaa nza ne bue bafra ɔ,

Numeri 8:8

Afei maa bɛfa nandwie nyii akrɔngrɔma ko, ɔne ye nwo aburoo afɔleɛ bɔ bafa esam paa bɔ bafa ngoo bafra ye ɔ, na odi kyɛ esa fa nandwie nyii akrɔngrɔma ko babɔ bɔne nwo afɔleɛ.