Numeri 15:5 - AHYERƐLƐ KRONGRON

⁵ Afei koso, boaen akrɔngrɔma ko biala, fa bobe nzaa towaa ko ne bue yɛ anonneɛ afɔleɛ boka naen yeralɛ afɔleɛ anaa afɔleɛ ne aso.

Numeri 15:5 Iomraidhean Croise

2 Aberɛso Dwirɛ 29:35

Sɛ ɛfa naen yeralɛ afɔleɛ pee bɔ bɛbɔle ne to ahameɛ a, né asomdwee afɔleɛ ɛloe ɔne naen yeralɛ afɔleɛ nwo anonneɛ afɔleɛ koso boka so. Yiti AWURADE awuro berɛ sɔnenɛ bɔ bɛyakyili beguale berɛ ne, besa bɛhyɛle ye bo.

Ɛsra 7:17

Wɔ sa kã sɔ sikaa ne a, nea kyɛ ɛkɔfa kɔtɔ nandwie nyii mɔ, mmoaen nyii, mmoaen akrɔngrɔma, yeɛ b’aburoo afɔleɛ ne anonneɛ afɔleɛ. Na sɔ nningyein ne, fa bɔ afɔleɛ wɔ afɔleɛ bokyea bɔ ɔwɔ ɛmɔ Nyameɛ awuro wɔ Yerusalem ne aso.

Edwein 116:13

Ngɔma ngoalelɛ kulie ne aso, ná mabɔ AWURADE dumaa masɔne ye.

Ɛksadɔso 29:40

Fa ɛhe boka boaen akrɔngrɔma bɔ oli moa ne aso: esam paa olonka ko nu ngyɛmuɛ buru, bɔ bafa ngoo bɔ bahwi ɔ towaa ko ne bue bafra ɔ, ɔne bobe nzaa towaa ko ne bue bɔ ɛkɔfa kɔbɔ anonneɛ afɔleɛ ɔ.

Edwein Nu Dwein 1:4

Twetwe me bra wɔ nwo, ma yɛ nwo ɔyɛ nyera. Ao, ɛhene ne afa me awa ye pumbu nu. Yɛ nye kɔhã, ná yali wɔ nwo ahurusi, wɔ hurolɛ ne, yɛkɔkamvo ye yɛkɔtra bobe nzaa. Ɔnyɛ nwanwa kyɛ bekuro wɔ ɔ.

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 23:13

Na aburoo afɔleɛ bɔ ɔboka so ne, odi kyɛ bɛfa esam paa bɔ bafa ngoo bafra ye ɔ olonka nyɔ; ɔte afɔleɛ bɔ bɛbɔ bɛma see so bɛma AWURADE ná ɔbo ye fona ɔ. Anonneɛ afɔleɛ bɔ ɔboka so ne, odi kyɛ bɛfa bobe nzaa towaa ko ne bue.

Lewitikɔso 3:6

“Sɛ asomdwee afɔleɛ bɔ ɛbɔ ma AWURADE ne fi mmoaen kure ne anu a, nyii oo, beleɛ oo, odi kyɛ ɔyɛ kaka bɔ ollili nnɛen biala ɔ.

Lewitikɔso 3:7

Sɛ wɔ afɔleɛ ne te boaen ba a, ye de odi kyɛ ɛfa ba AWURADE nyunu.

Sakaria 9:17

Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

Numeri 15:11

Nandwie biala, anaa boaen nyii biala, anaa boaen akrɔngrɔma nyii biala anaa abɔngye nyii biala bɔ ɛfa bɔ afɔleɛ ne, sɔ ala yeɛ yɔ ɔ.

Numeri 15:6

Boaen nyii de, fa aburoo afɔleɛ esam paa olonka nyɔ bɔ bafa ngoo towaa ko ne bue bafra ye ɔ boka so,

Numeri 28:14

B’anonneɛ afɔleɛ nemɔ, odi kyɛ bɛfa bobe nzaa towaa nza ne bue bɛboka nandwie nyii ko biala so, ná bɛfa bobe nzaa towaa nyɔ bɛboka boaen nyii ko biala so, ná bɛfa bobe nzaa towaa ko ne bue bɛboka boaen akrɔngrɔma ko biala so. Ɛhe te bosome bosome naen yeralɛ afɔleɛ bɔ bɛbɔ ye afoɛ biala nu ɔ.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.

2 Timoteo 4:6

Na me de, mmerɛ ne adwu bɔ bɛbaafa me bɛbɔ afɔleɛ ɔ, na mmerɛ ne apingye kyɛ ngofi wa ɔ.

Maenbulɛfoɛ 9:13

Nakoso bobe buale bɛ kyɛ, ‘Aso me nzaa, bɔ ɔma nyameɛ mɔ ne adasa bɛ nye gye ne, nyakyi ye yɔlɛ, ná ngongyini mmakaa mɔ so anaa?’