Numeri 15:4 - AHYERƐLƐ KRONGRON

⁴ ye de ebiala bɔ ɔbɔ sɔ afɔleɛ ne ma AWURADE ne, odi kyɛ ɔbɔ aburoo afɔleɛ koso boka so. Ɔ́fa aburoo esam paa olonka ko bɔ bafa ngoo towaa ko ne bue bafra ye ɔ.

Numeri 15:4 Iomraidhean Croise

Ɛsra 7:17

Wɔ sa kã sɔ sikaa ne a, nea kyɛ ɛkɔfa kɔtɔ nandwie nyii mɔ, mmoaen nyii, mmoaen akrɔngrɔma, yeɛ b’aburoo afɔleɛ ne anonneɛ afɔleɛ. Na sɔ nningyein ne, fa bɔ afɔleɛ wɔ afɔleɛ bokyea bɔ ɔwɔ ɛmɔ Nyameɛ awuro wɔ Yerusalem ne aso.

Ɛksadɔso 29:40

Fa ɛhe boka boaen akrɔngrɔma bɔ oli moa ne aso: esam paa olonka ko nu ngyɛmuɛ buru, bɔ bafa ngoo bɔ bahwi ɔ towaa ko ne bue bafra ɔ, ɔne bobe nzaa towaa ko ne bue bɔ ɛkɔfa kɔbɔ anonneɛ afɔleɛ ɔ.

Yesaya 66:20

Bɛkɔfa ɛmɔ aliɛma mɔ amukoraa bekofi maen maen amukoraa so bɛkɔwa, maa ɔkɔyɛ afɔleɛ kɔma AWURADE. Mbɔngɔ so, teaseɛnam mɔ nu, seko nu, afunum mɔ so ne afupɔngɔ mɔ so yeɛ bɛkɔfa bɛ bɛkɔtenatena bɛkɔwa me bokaa krongron Yerusalem so ɔ, AWURADE noa dwirɛ ɛne, kyɛbɔ Yisraelfoɛ bɛfa b’aburoo afɔleɛ begua nzim bɔ ye nwo te ɔ nu bɛba AWURADE awuro nen.

Hesekiel 46:14

Bɔ ye nwo aleɛ afɔleɛ ngyerɛmɔ biala, graa ko ye ngyɛmuɛ nzia, ɔne ngoo galɔn ko ye ngyɛmuɛ nza bɔ bɛkɔfa bɛkɔfɔre esam paa ne ɔ, ná ɔyɛ daa biala aleɛ afɔleɛ ma AWURADE, nhyehyɛleɛ bɔ ɔla berɛ daa hɔ ɛne.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 2:1

“Sɛ ebie fa aburoo afɔleɛ brɛ AWURADE a, odi kyɛ ye afɔleɛ ne yɛ esam paa; óhwie ngoo ógua so, ɔ́fa ɛyɛɛ gua so,

Lewitikɔso 2:15

Ɛ́mɔfa ngoo bégua so, ná ɛ́mɔfa ɛyɛɛ koso bégua so; ɔte aburoo afɔleɛ.

Lewitikɔso 23:13

Na aburoo afɔleɛ bɔ ɔboka so ne, odi kyɛ bɛfa esam paa bɔ bafa ngoo bafra ye ɔ olonka nyɔ; ɔte afɔleɛ bɔ bɛbɔ bɛma see so bɛma AWURADE ná ɔbo ye fona ɔ. Anonneɛ afɔleɛ bɔ ɔboka so ne, odi kyɛ bɛfa bobe nzaa towaa ko ne bue.

Lewitikɔso 3:7

Sɛ wɔ afɔleɛ ne te boaen ba a, ye de odi kyɛ ɛfa ba AWURADE nyunu.

Lewitikɔso 6:14

“Aburoo afɔleɛ ne nwo nhyehyɛleɛ ɛhe: Odi kyɛ Aarɔn boso ama nemɔ bɛbɔ ye wɔ AWURADE nyunu wɔ afɔleɛ bokyea ne anyunu.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Numeri 28:12

Afei odi kyɛ ɛmɔfa esam paa olonka nza bɔ bafa ngoo bafra ye ɔ bɛbɔ aburoo afɔleɛ bɛboka nandwie nyii ko biala so. Asa koso, esam paa olonka nyɔ bɔ bafa ngoo bafra ye ne, ɛ́mɔfa bɛbɔ aburoo afɔleɛ bɛboka boaen nyii ko ne aso.

Numeri 28:4

Fa boaen nyii ko bɔ afɔleɛ ngyerɛmɔ ná fa ko ne koso bɔ afɔleɛ nɔsoa.

Numeri 29:6

Naen yeralɛ afɔleɛ bɔ ɛsraen fi a bɛbɔ ne, ɔne ye nwo aburoo afɔleɛ ne, yeɛ daa biala naen yeralɛ afɔleɛ ne ɔne ye nwo aburoo afɔleɛ ne, yeɛ bɛ nwo anonneɛ afɔleɛ nemɔ, odi kyɛ ɛmɔfa sɔ afɔleɛ nemɔ bɛboka so, kyɛbɔ bɛ nwo nhyehyɛleɛ te ɔ. Ɔte afɔleɛ bɔ bɛbɔ ye see so bɛma AWURADE bɔ ɔbo ye fona ɔ.

Numeri 7:13

Ye afɔleɛ ne ɛhe: talie bɔ bafa ɛdwetɛ bayɔ ɔ ko, bɔ nu nonɛ te kilo ko ne bue, ayaa ko bɔ bafa ɛdwetɛ bayɔ ɔ, bɔ nu nonɛ te kilo ko, kyɛbɔ nekaa krongron berɛ kilo nonɛ te ɔ. Né esam paa bɔ bafa ngoo bafra ye ɔ, bɔ bɛfa bɛbɔ aburoo afɔleɛ ɔ wayi bɛ munyɔ tɛkyɛ;

Romanfoɛ 15:16

kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.

Maenbulɛfoɛ 9:9

Na olive buale bɛ kyɛ, ‘Aso me ngoo paa, bɔ bɛfa so bɛhyɛ nyameɛ mɔ ne adasa animnyam ne, nyakyi ye yɔlɛ, ná ngongyini mmakaa mɔ so anaa?’