Numeri 15:39 - AHYERƐLƐ KRONGRON

³⁹ Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

Numeri 15:39 Iomraidhean Croise

1 Ahemvo 12:33

Bosome mmɔtwɛ bɔ ɔte bosome bɔ wali ye bɔbɔ ye ti piri waye wasie berɛ ne, ye kyẽa bɔ ɔtɔ so buru ne nnu ne, sɛ odwu a, né ɔkɔ afɔleɛ bokyea bɔ wasi wasie Betel ne aso. Ɔhyehyɛle aluolue mane Yisrael maen, na né ɔfo kɔ afɔleɛ bokyea ne aso ɔkɔyera ɛyɛɛ.

YOB NWOMAA NE 31:7

Sɛ mali nahorɛ atee ne anwo makyebu, sɛ mama me nye adiedie m’adwene wahɔ akɔnnɔ tɛɛ nu, sɛ me sa nwo agua fiɛ a,

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Anyandera 28:26

Ebiala bɔ ɔfa ye nwo to ye nworɛ so ne, ɔte kwaseaa, nakoso ebiala bɔ ɔfa nworɛ to ye brabɔlɛ nwo ne, okonya ngoa.

Anyandera 3:1

Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Yeremia 9:14

na mmom bayɛ asoserɛ bali bɛ ti piri baali Baal mɔ si, kyɛbɔ bɛ nana mɔ hyirehyirele bɛ ne ati ɔ.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hosea 2:2

Ɛ́mɔdwudwo behyire ɛmɔ ani, ɛ́mɔdwudwo behyire ye, ofikyɛ nna me ye ɔ, yeɛ ye koso nna ohu ole me. Odi kyɛ ɔye ye gyanderabɔlɛ ne fi ye nye so, na ɔye ye agyaasɛkyelɛ ne fi ye nyɔfone mɔ b’afia.

Deuteronomi 29:19

Na ebiala bɔ ɔkɔte apam ndaen he anu dwirɛ, ná ɔkɔdwene saleɛ kɔma ye nwo kyɛ, ‘Ɔwɔ nu kyɛ meyɛ asoserɛ de, nakoso ngonya asomdwee’ nen, (sɔ nikyee ne ma sona bɔ ɔtengyɛ ne bɔnefoɛ bewu bɛbɔ nu),

Deuteronomi 4:23

Yiti ɛ́mɔnea yé ná ɛmɔ wora amvi apam bɔ AWURADE ɛmɔ Nyameɛ ɔne ɛmɔ yɛle ne, ná ɛmɔanyɔ amoen biala sɛso, kyɛbɔ AWURADE wɔ Nyameɛ abera wɔ ne.

Deuteronomi 6:12

nea yé né wɔ wora amvi AWURADE bɔ ɔyele wɔ fili Misraim aseɛ so, fili ngoaasolɛ nu ne.

Deuteronomi 8:11

“Nea yé né wɔ wora amvi AWURADE wɔ Nyameɛ, kyɛ engoli ye mmeraa dwirɛ ne ye nhyehyɛleɛ ne ye ahyɛdeɛ bɔ méhyɛ méma wɔ ɛnɛ ye aso ɔ:

Deuteronomi 8:14

ye de nea yé né anwomasoɛ amma wɔ nu, ná wɔ wora amvi AWURADE wɔ Nyameɛ bɔ ɔyele wɔ fili Misraim aseɛ so, fili ngoaasolɛ nu ne;

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.