Numeri 15:31 - AHYERƐLƐ KRONGRON

³¹ Ɔnate kyɛ sɔ sona ne wabu AWURADE noa dwirɛ animtia, ná wabu ye mmeraa dwirɛ so ne ati, odi kyɛ bɛpɛ ye asue korakora, na ye musue kɔbɔ ye ti so.”

Numeri 15:31 Iomraidhean Croise

2 Samuel 12:9

Nzu ati yeɛ ahwi afa AWURADE dwirɛ so aayɔ bɔ ɔte bɔne wɔ ye nyunu ɔ? Ahu Hitiniɛ Yuria, na afa ɔye agya. Amonfoɛ ngrandɛ yeɛ afa ahu ye ɔ.

Edwein 107:11

Ofikyɛ bɛyɔle Nyameɛ dwirɛ nwo lɔen, na bebuli Anwuro Anwuroniɛ ne nhyehyɛleɛ animtia.

Edwein 119:126

AWURADE, mmerɛ aso kyɛ ɛkɔkekã wɔ nwo ɔ, ofikyɛ babu wɔ mmeraa ne aso.

Edwein 38:4

Ofikyɛ m’amumuyɛɛ abungam afa me so; na nu nonɛ obu me kɔme anu.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Anyandera 13:13

Sona bɔ ɔmva foɛtulɛ nyɛ huu ne, ɔtwetwe amaneɛ brɛ ye nwo, nakoso bɔ odi mmeraa dwirɛ so ne de, okonya akatuaa wɔ so.

Yesaya 30:12

Yiti Yisrael Krongronniɛ ne nwa: “Ɔnate kyɛ ɛmɔapo sɔ dwirɛ he, ná ɛmɔafa ɛmɔ wora bawura nhyɛsoɛ ne nnakannaka nu, ná ɛmɔafa bɛ nwo bato so ne ati,

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Hesekiel 18:20

Ɛkra biala bɔ ɔyɔ bɔne ne, ye yeɛ okowu ɔ. Baa ngonya ye baba amumuyɛɛ nwo asohwenɛ, yeɛ baba ngonya ɔwa amumuyɛɛ nwo asohwenɛ. Sona bɔ ɔtengyɛ ne, okonya ye tengyɛlɛ nwo akatuaa, yeɛ bɔnefoɛ koso, okonya ye bɔne nwo akatuaa.

Lewitikɔso 26:15

sɛ ɛmɔpo m’ahyɛdeɛ, ná ɛmɔtwi bɛfa me nhyehyɛleɛ so, ná ɛmɔanni me mmeraa dwirɛ amukoraa so, ná ɛmɔbu m’apam so a,

Lewitikɔso 26:43

Na bɛkɔyakyi aseɛ ne berɛ maa okoli ye afofi afoɛ mɔ wɔ mmerɛ bɔ ɔla berɛ mbaen ɔ; bekole bɛkɔto nu kyɛ bedi fɔ, ɔnate kyɛ bɛpole me nhyehyɛleɛ, na m’ahyɛdeɛ nwo yɛle bɛ kra nya.

Lewitikɔso 5:1

“Sɛ ebie nye tua edwirɛ bie, anaakyɛ ɔte edwirɛ bie, ná bɛfrɛ ye kyɛ ooli ye nwo adanzeɛ, ná wangɔ maa ɔnate so ɔyɔ bɔne a, ye musue kɔbɔ ye ti so.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

Deuteronomi 17:12

Na sɛ ebie yɛ anwomasoɛ, ná wandie ɔsɔfo bɔ baye ye kyɛ ɔ́yɔ ɔsɔfo adwuma wɔ berɛ ma AWURADE wɔ Nyameɛ ne, anaakyɛ ndɛenbualɛniɛ ne a, ɔsɛ kyɛ beku sɔ sona ne. Yiti ɔsɛ kyɛ etu bɔne ne bo fi Yisrael.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

2 Petro 2:21

Ofikyɛ sɛ bannwu tenenee atee ne po a, ahaa ɔte paa ma bɛ, tra kyɛ banwu ye bayie, ná afei nziɛ ye bakakyi bɛ nwo bafi ahyɛdeɛ krongron bɔ bɛfa bɛmane bɛ ne anwo ɔ.

1 Samuel 3:14

Na ɔnate sɔ ati, meta Eli abusua nwo ndaen kyɛ, kaka afɔleɛ anaa aleɛ afɔleɛ biala nne berɛ bɔ ɔkɔhora kɔpata kɔma Eli abusua amumuyɛɛ ɔ le.”