Numeri 15:30 - AHYERƐLƐ KRONGRON

³⁰ Nakoso ebiala bɔ ye nye la ye nwo ná ɔkɔyɔ bɔne ne, kyɛ ɔte maen baa oo, anaa ɛwɔfoɛ oo, wabu AWURADE animtia, na odi kyɛ bɛpɛ ye asue befi ye mmenia nu.

Numeri 15:30 Iomraidhean Croise

Gyenesise 17:14

Na bienzua biala bɔ bambɛ ye bienzua nen, bɛkɔpɛ ye asue bekofi ye maen nu, ofikyɛ wabu m’apam ne aso.”

YOB NWOMAA NE 38:15

Kanea ma bɔnefoɛ bɛ nwo kyere bɛ, na obu b’aba nu bɔ ɔmma benni nzɛmmɔne ɔ.

Edwein 19:13

Bɔne bɔ bɛboapa bɛyɔ ne, twe w’akoaa fi ye nwo. Sɔ bɔne nemɔ, nnɛmaa bedi me so, amaa ɔnate so mali be wɔ wɔ nyunu, ná manni mmeraatolɛ piri ne anwo fɔ.

Edwein 69:9

Ofikyɛ w’awuro nwo ɔdɔ bɔ nne ye ne, ɔte see bɔ ogye wɔ me nu ɔ, bɛ bɔ bɛbɔ wɔ alapaa ne, b’alapaa ne waagua me so.

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Edwein 74:22

Ao Nyameɛ, dwɔso, dwudwo nu maa benwu kyɛ edi be; kaye kyɛbɔ ngwaseafoɛ bɛgoro wɔ nwo daa biala ɔ.

Edwein 79:12

Ao AWURADE, ngorohoɛ bɔ maen maen bɔ bapɛ yɛ nwo bayia bɛgoro wɔ nwo ne, tua bɛ so kerɛ pɛen nzoo.

Edwein 89:51

Ao AWURADE, nea anyinga bɔ wɔ pɔfoɛ mɔ bɛkã ɔ, kyɛ bɛsere wɔ sona bɔ apopa ye ngoo ne, ye agyirɛ bɔ otu ɔ.

Ɛksadɔso 21:14

Nakoso sɛ ebie nye la ye nwo, ná ɔlakalaka obiɛngo ku ye a, ye de twe ye fi m’afɔleɛ bokyea ne anwo ma behũ ye.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Hesekiel 20:27

“Yiti, Sona awa, dwudwo kyire Yisrael awuro ama, ná se bɛ kyɛ, ‘AWURADE Nyameɛ nwa nyoo: Sɔ atee he aso koso yeɛ ɛmɔ nana mɔ bɛfa betiatiale me ɔ, ofikyɛ banni nahorɛ bamma me.

Lewitikɔso 20:10

“Sɛ bienzua bie ne obiɛngo aye bɛbɔ adwaman a, odi kyɛ beku bienzua ne ɔne brasua bɔ babɔ adwaman ne bɛ munyɔ.

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 20:6

“Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

Numeri 15:29

Ɛ́mɔma mmeraa komapɛ ne ala yeɛ ɔla berɛ ma ebiala bɔ ɔkɔyɔ mvomsoɛ ɔ, kyɛ ɔte Yisrael maen baa oo, anaa ɛwɔfoɛ biala bɔ waatena ɛmɔ nu oo.

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Deuteronomi 1:43

Ɔwɔ nu kyɛ nga ngyirele ɛmɔ de, nakoso ɛmɔandie, na ɛmɔhwi bɛfale AWURADE noa dwirɛ so. Ɛmɔlili bɛ ti piri, na ɛmɔfo bɛhɔle mmokaa aseɛ ne aso dɔ.

Deuteronomi 32:27

Nakoso né mesuro kyɛ pɔfoɛ ne kɔfa kɔhoahoa ye nwo, ofikyɛ ebiaa né bɛ pɔfoɛ mɔ ande bɔ meyɔ ne abo, na bɛkɔhã kyɛ, ‘Yali ngonim; nna AWURADE yeɛ ɔyɔle sɔ nningyein he amukoraati ɔ.’

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

1 Yohane 5:16

Sɛ ebie nwu oliɛma kyɛ ɔyɔ bɔne bɔ ɔmva ye ngɔ ewue nu a, maa ɔbɔ mbaeɛ ɔma ye, na Nyameɛ kɔfa ye mbaeɛ ne aso kɔma ye ngoa. Mekyire bɛ bɔ bɛyɔ bɔne bɔ ɔmva bɛ ngɔ ewue nu ɔ. Nakoso bɔne bie wɔ berɛ bɔ ɔfa sona kɔ ewue nu ɔ, na ɛhe de mengyire kyɛ ɔbɔ ye nwo mbaeɛ.

1 Samuel 2:25

Sɛ ebie yɔ bɔne tia obiɛngo a, ebie kɔpa kyerɛ kɔma ye wɔ Nyameɛ nyunu, nakoso sɛ ebie yɔ bɔne tia Nyameɛ a, nwa yeɛ ɔkɔpa kyerɛ kɔma ye ɔ?” Nakoso bandie bɛ se dwirɛ, ofikyɛ né AWURADE ayɛ kyɛ okohu bɛ.

1 Samuel 3:14

Na ɔnate sɔ ati, meta Eli abusua nwo ndaen kyɛ, kaka afɔleɛ anaa aleɛ afɔleɛ biala nne berɛ bɔ ɔkɔhora kɔpata kɔma Eli abusua amumuyɛɛ ɔ le.”