Numeri 15:3 - AHYERƐLƐ KRONGRON

³ ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Numeri 15:3 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Ɛsra 7:17

Wɔ sa kã sɔ sikaa ne a, nea kyɛ ɛkɔfa kɔtɔ nandwie nyii mɔ, mmoaen nyii, mmoaen akrɔngrɔma, yeɛ b’aburoo afɔleɛ ne anonneɛ afɔleɛ. Na sɔ nningyein ne, fa bɔ afɔleɛ wɔ afɔleɛ bokyea bɔ ɔwɔ ɛmɔ Nyameɛ awuro wɔ Yerusalem ne aso.

Edwein 54:6

Ngɔbɔ akyɛdeɛ afɔleɛ ngɔma wɔ. Ao AWURADE, ngɔfa asennaa ngɔma wɔ dumaa, ofikyɛ ɔte paa.

Ɛksadɔso 29:18

Yera boaen nyii mumua ne wɔ afɔleɛ bokyea ne aso. Ɔte naen yeralɛ afɔleɛ ma AWURADE. Ɔte nikyee fonafona, ɔte afɔleɛ bɔ bɛbɔ ye see so bɛma AWURADE ɔ.

Ɛksadɔso 29:25

Afei, de fi bɛ sa nu, ná yera bɛ ne naen yeralɛ afɔleɛ ne wɔ afɔleɛ bokyea ne aso ma ɔbo fonafona wɔ AWURADE nyunu; ɔte afɔleɛ bɔ bɛfa see bɛyera ye bɛma AWURADE ɔ.

Ɛksadɔso 29:41

Boaen akrɔngrɔma ko bɔ waha ne, fa bɔ afɔleɛ nɔsoa. Fa aleɛ afɔleɛ ne anonneɛ afɔleɛ ne boka so kyɛ ngyerɛmɔ deɛ ne ala. Maa ɔbo fonafona, na ɔte afɔleɛ bɔ bɛfa see bɛyera ye bɛma AWURADE ɔ.

Lewitikɔso 10:13

Odi kyɛ ɛmɔdi ye wɔ nekaa bɔ ɔte krongron ɔ, ofikyɛ afɔleɛ bɔ babɔ ye see so bama AWURADE ne, ɛne wɔ mma mɔ bɛ deɛ ɛne; sɔ yeɛ AWURADE ahyehyɛ ama me ɔ.

Lewitikɔso 27:2

“Ka kyire Yisraelfoɛ kyɛ, Sɛ ebie to ye noa nu tui fa kuro sona ye ti nyɔboɛ bɔ AWURADE anohoba sonongo a, odi kyɛ otua ye kyɛbɔ bahyehyɛ bato berɛ ne ala.

Lewitikɔso 7:16

Nakoso sɛ w’afɔleɛ ne te bɔhyɛlɛ afɔleɛ anaa akyɛdeɛ afɔleɛ a, odi kyɛ edi ye ɛlɛho bɔ ɛkɔbɔ afɔleɛ ne ala, na aleɛ kye a, di ye ngaa bɔ waha ne.

Numeri 28:27

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma nyɔ, boaen nyii ko, mmoaen akrɔngrɔma nzoo bɔ bali afoɛ ngoko ɔ.

Numeri 29:8

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma ko, boaen nyii ko, yeɛ mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ.

Numeri 6:15

paanoo kabrɛdi kɛndɛen ko, taterɛ bɔ bafa esam paa bɔ bafa ngoo bafra ye bayɔ ɔ; apiti kabrɛdi bɔ bafa ngoo bafa ye nwo ɔ, yeɛ bɛ nwo aburoo afɔleɛ ne bɛ nwo anonneɛ afɔleɛ.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

2 Korintofoɛ 2:15

Ofikyɛ yɛte Kristo ayirefona wɔ Nyameɛ nyunu, na ye fona ne tu fa bɛ bɔ Nyameɛ gu so ode bɛ ngoa, ɔne bɛ bɔ begu so bemini so.

2 Korintofoɛ 2:16

Sɔ ayirefona ne te ewue pambaen bɔ ɔkɔ wue nu ma ebiemɔ; nakoso ebiemɔ de, ɔte ngoa fona bɔ ɔkɔ ngoa nu ɔ. Na nwa yeɛ ɔfata ɛhemɔ ɔ?

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Deuteronomi 12:17

Nnɛdi sɔ nningyein hemɔ wɔ wɔ nguro nemɔ anu: w’aburoo buru nu ngyɛmuɛ ko, wɔ nzaa buru nu ngyɛmuɛ ko, yeɛ wɔ ngoo buru nu ngyɛmuɛ ko, anaa wɔ nandwie ne wɔ mmoaen bamuɛbaa mɔ, anaa w’aboadeɛ afɔleɛ biala, w’akyɛdeɛ afɔleɛ, anaa wɔ ndoboa.

Deuteronomi 12:6

Berɛ yeɛ ɔsɛ kyɛ ɛmɔfa ɛhemɔ bɛkɔ ɔ: ɛmɔ naen yeralɛ afɔleɛ, ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɛmɔ aboadeɛ afɔleɛ, ɛmɔ akyɛdeɛ afɔleɛ, ɔne ɛmɔ nandwie ne mmoaen bamuɛbaa mɔ.

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.